Day: February 20, 2024
បញ្ចស៊ីឡាត់ បង្កើតជាសហព័ន្ធផ្លូវការក្រោយឈ្នះមេដាយជាប្រវិត្ថសាស្រ្ត១០គ្រឿងពីស៊ីហ្គេម
ក្រោយឈ្នះបានមេដាយជាប្រវិត្ថសាស្រ្តក្នុងព្រឹត្តការណ៍កីឡាស៊ីហ្គេមលើកទី៣២នាឆ្នាំ២០២៣ដែលកម្ពុជាធ្វើជាម្ចាស់ផ្ទះឆ្នាំ២០២៣កន្លងមកនេះ រហូតដល់ទៅ១០គ្រឿង នាពេលនេះសហព័ន្ធកីឡាបញ្ចស៊ីឡាត់ បានបង្កើតចេញជាសហព័ន្ធផ្លូវការ និងបានធ្វើមហាសន្និបាតលើកទី១របស់ខ្លួន ដែលបានជ្រើសរើសប្រធានដឹកនាំ ព្រមជាមួយគណៈប្រតិបិត្តជាង២០រូប។ មានប្រសាសម៍ក្នុងមហាសន្និបាតសហព័ន្ធកីឡាបញ្ចស៊ីឡាត់កម្ពុជា អាណត្តិទី១ ឆ្នាំ២០២៤-២០២៨ ដែលបានប្រារព្ធធ្វើឡើង នៅល្ងាចថ្ងៃទី១៨ ខែកុម្ភៈ ឆ្នាំ២០២៤ នៅទីស្នាក់ការគណៈកម្មាធិការជាតិអូឡាំពិកកម្ពុជា (NOCC)ឯកឧត្តម សេង ធារិន ប្រធានសហព័ន្ធកីឡាគុនបញ្ចស៊ីឡាត់កម្ពុជាថ្លែងថា ស្មារតីអង្គមហាសន្និបាត អាណត្តិទី១របស់សហព័ន្ធកីឡាបញ្ចស៊ីឡាត់កម្ពុជាមិនត្រឹមតែការបំពេញភាពស្របច្បាប់របស់ខ្លួន ក្នុងការដំណើរការជាផ្លូវការរបស់សហព័ន្ធកីឡាជាតិប៉ុណ្ណោះទេ ប៉ុន្តែថែមទាំងផ្ដល់ឱកាសដល់សមាជិកគណៈកម្មាធិការប្រតិបត្តិ មន្រ្តីបច្ចេកទេស កីឡាករ កីឡាការិនីមកពីទីមជ្ឈដ្ឋានផ្សេងៗគ្នាមានស្មារតីរួមគ្នាក្នុងការរៀបចំឱ្យមានសហព័ន្ធកីឡាជាតិថ្មីមួយនេះ ដោយឈរលើស្មារតីនៃមហាគ្រួសារកីឡា។ ឯកឧត្តម សេង ធារិន គូសបញ្ជាក់ថា ក្នុងនាមសហព័ន្ធកីឡាបញ្ចស៊ីឡាត់កម្ពុជា ក្នុងអាណត្តិទី១នេះទទួលបានការគាំទ្រ និងសេចក្តីទុកចិត្តពីសមាជិកទាំងអស់ ដែលក្នុងនោះមានឯកឧត្តមជាប្រធានដឹកនាំ ដើម្បីបំពេញកិច្ចការងារដឹកនាំគ្រប់គ្រង និងអភិវឌ្ឍន៍កីឡាបញ្ចស៊ីឡាត់នៅក្នុងប្រទេសកម្ពុជា។ ឯកឧត្តមបានថ្លែងអំណរគុណដល់ តំណាង គណៈកម្មាធិការជាតិអូឡាំពិកកម្ពុជា និងតំណាងក្រសួងអប់រំ យុវជន និងកីឡា ចំពោះមតិចូលរួមដ៏មានសារៈសំខាន់ ដែលជាធាតុផ្សំមួយមិនអាចខ្វះបាន សម្រាប់សហព័ន្ធដំណើរការកិច្ចការងាររបស់ខ្លួនឱ្យស្របទៅតាមគោលនយោបាយអភិវឌ្ឍន៍វិស័យកីឡារបស់រាជរដ្ឋាភិបាលកម្ពុជា។ ឯកឧត្តម សេង ធារិន ក៏បានជំរុញឱ្យប្រភេទកីឡាបញ្ចាំស៊ីឡាត់ដំណើរការទៅមុខដោយរលូន ដោយត្រូវមានការចូលរួមពីសមាជិកប្រតិបត្តិសហព័ន្ធ និងធនធានទាំងការចូលរួមទាំងផ្នែកបញ្ញាស្មារតី ស្របតាមគោលការណ៍អភិវឌ្ឍន៍ធនធានមនុស្សរបស់សហព័ន្ធ ដែលនឹងជំរុញឱ្យមានមន្ត្រីបច្ចេកទេស គ្រូបង្វឹក […]
Read More