សហព័ន្ធកីឡាកាយវប្បកម្ម និងលំហាត់ប្រាណកម្ពុជា ដែលគ្រោងរៀបចំព្រឹត្តិការណ៍ប្រកួតកីឡាកីឡាកាយវប្បកម្មជ្រើសរើស ជើងឯកថ្នាក់ជាតិប្រចាំឆ្នាំរបស់ខ្លួនខែកញ្ញា ឆ្នាំ២០២៥ ខាងមុខនេះ ត្រូវបានពន្យារពេល រហូតដល់មានការជូនដំណឹងសារជាថ្មី ។
លោកស្រី អេមី អគ្គលេខាធិការសហព័ន្ធ បានបញ្ជាក់ថា ដោយយោងសភាពការណ៍បច្ចុប្បន្ន សហព័ន្ធកីឡាកាយវប្បកម្ម និងលំហាត់ប្រាណកម្ពុជា សុំពន្យាពេលការរៀបចំការប្រកួតកីឡាកាយវប្បកម្មនិងលំហាត់ប្រាណជ្រើសរើសជើងឯកថ្នាក់ ជាតិឆ្នាំ២០២៥ នាថ្ងៃទី០៥ ដល់ថ្ងៃទី០៧ ខែកញ្ញា ឆ្នាំ២០២៥ នៅសាលដំបូលទូក សាកលវិទ្យាល័យភូមិន្ទភ្នំពេញ ចាប់ពីពេលនេះតទៅរហូតដល់មានការជូនដំណឹងសារជាថ្មី ។
អាស្រ័យដូចបាន ជម្រាបជូនខាងលើ សូមលោក លោកស្រី ប្រធានសមាគមន៍ ក្លិប ក្រុមកីឡាករ-កីឡាការិនី និងអ្នកស្រឡាញ់វិស័យ កីឡាកាយវប្បកម្មនិងលំហាត់ប្រាណទាំងអស់ មេត្តាចូលរួមអនុវត្ត ដោយស្មារតីទទួលខុសត្រូវខ្ពស់ និងជ្រាបជាព័ត៌មាន៕
