អាវលេខ ៧ របស់ ខ្សែប្រយុទ្ធ Heung-min Son នៅ Los Angeles FC ក្លាយជាអាវកីឡាលក់ដាច់បំផុតនៅទូទាំងពិភពលោក។
កីឡាករកូរ៉េខាងត្បូង បានផ្លាស់ពី Tottenham Hotspur ទៅ Los Angeles FC តម្លៃ ២៧លានដុល្លារ ថ្លៃជាងគេបំបែកកំណត់ត្រានៅលីគ Major League Soccer ហើយគេទទួលបានអាវលេខ៧។
បន្ថែមពីនេះ ឈុតអាវលេខ៧របស់ Son ត្រូវបានប្រកាសថាលក់ដាច់ច្រើនបំផុត ពោលគឺច្រើនជាងគេនៅទូទាំងពិភពលោក។ ឈុតអាវរបស់កីឡាករវ័យ៣២ឆ្នាំ លក់ដាច់ជាងអាវ Lionel Messi, Cristiano Ronaldo, LeBron James និង Stephen Curry ទៅទៀត។
វត្តមានរបស់ Son បានធ្វើឲ្យតម្លៃសំបុត្រសម្រាប់ការប្រកួតរបស់ LAFC ជាមួយ San Diego FC ដែលនឹងធ្វើនៅថ្ងៃទី ១ ខែកញ្ញា កើនឡើងពី ៣០០ ដុល្លារ ទៅ ១៥០០ ដុល្លារឯណោះ៕
