តាមរយៈការបោះឆ្នោតគាំទ្រលោកឧកញ៉ា ស្រ៊ុន ប៊ុនថាត បានជាប់ជាប្រធានសហព័ន្ធកីឡាវូស៊ូកម្ពុជា អាណត្តិទី៧ ឆ្នាំ២០២៥-២០២៩ បន្ទាប់ពីសមាជិកប្រតិបត្តិអាណត្តិចាស់ តំណាងក្លិប និងសមាគមបោះឆ្នោតគាំទ្រកាលពីថ្ងៃទី១៣ ខែកញ្ញា ២០២៥ ក្នុងមហាសន្និតបាត។
សកម្មភាពមហាសន្និបាតបញ្ចប់អាណត្តិទី៦
មានប្រសាសន៍ក្នុងនាមអធិបតី នៃពិធីឯកឧត្តម វ៉ាត់ ចំរើន រដ្ឋលេខាធិការនៃក្រសួងអប់រំ យុវជន និងកីឡា និងជាអគ្គលេខធិការនៃគណៈកម្មាធិការជាតិអូឡាំពិកកម្ពុជា បានផ្តល់នូវអនុសាសន៍ ៥ចំណុចដល់សហព័ន្ធមួយនេះដើម្បីធ្វើការប្រកបដោយប្រសិទ្ធភាព។
សកម្មភាពមហាសន្និបាតបញ្ចប់អាណត្តិទី៦
បន្ថែមពីនេះឯកឧត្តម ជម្រុញឲ្យសហព័ន្ធកីឡាវូស៊ូ ត្រូវមានផ្ទៃក្នុងល្អ និងរួមគ្នាបង្កើតឲ្យមានសកម្មភាពនៃការប្រកួតកើនឡើង ព្រោះកីឡានេះ ក៍ជាប្រភេទកីឡាមានសក្តានុពលមួយ ក្នុងចំណោមកីឡាជាច្រើនទៀតនៅកម្ពុជាដែលមានស្នាដៃដណ្តើមមេដាយជូនជាតិ ។
លោកឧកញ៉ា ស្រ៊ុន ប៊ុនថាត បានប្តេជ្ញាចិត្តបន្តដឹកនាំសហព័ន្ធ ឲ្យមានការរីកចម្រើន ជាពិសេសរួបរួមគ្នា ធ្វើយ៉ាងណាឈរលើស្មារតីជារួម អភិវឌ្ឍន៍កីឡាមួយប្រភេទនេះ ឲ្យក្លាយជាកីឡាដែលមានគេឈ្មោះល្បីល្បាញលើឆាកជាតិនិងអន្តរជាតិ។
សកម្មភាពមហាសន្និបាតបញ្ចប់អាណត្តិទី៦
បញ្ជាក់ដែរថា សមាសភាពសមាជិកគណៈកម្មាធិការប្រតិបត្តិ សហព័ន្ធកីឡាវ៉ូស៊ូកម្ពុជាសម្រាប់អាណត្តិទី៧ ឆ្នាំ ២០២៥-២០២៩ មានចំនួន ១៣ រូបរួមមាន ឧញ្ញ៉ា ស្រ៊ុន ប៊ុនថាត ជាប្រធាន លោក ម៉ែន ម៉ាលីន អនុប្រធាន លោកស្រី ព្រាប ម៉ូនីកា អនុប្រធាន លោក សុខ គឹមសេង លោក ម៉ុង ប៊ុនថា អនុប្រធាន លោក ជា ម៉ៅ ចន្ថាវុធ អគ្គលេខាធិការ លោកស្រី ម៉ៅ មុយចាន់នីដា អគ្គលេខាធិការរង លោក កោង ឆៃហុង អគ្គហិរញ្ញឹក លោក ណារ៉ា អេលីហ្សា អគ្គហិរញ្ញឹករង លោកស្រី ម៉ៅ ច័ន្ទសូរិយា សមាជិក លោក សួង ចំណាន សមាជិក លោក ឃឹម សុខលាង សមាជិក និងលោកស្រី មួយ គួង សមាជិក ៕
ប្រធានសហព័ន្ធកីឡាវូស៊ូថ្មី
ទិដ្ឋភាពក្រោយបញ្ចប់មហាសន្និបាត
