នៅព្រឹកថ្ងៃទី១ ខែកញ្ញា ឆ្នាំ២០២៦ អង្គការកម្ពុជាអូស្ត្រាលីបាល់ទាត់រីករាយ (HFCA) និងអង្គការមូលនិធិកុមារកម្ពុជា (CCF) បានប្រកាសបន្តភាពជាដៃគូក្រោមអនុស្សរណៈនៃការយោគយល់គ្នា (MOU) លើកិច្ចការជួយកុមារក្រីក្រ និងជំរុញអភិវឌ្ឍន៍ជំនាញទន់រហូតដល់ឆ្នាំ២០២៩។
សកម្មភាពចុះ MOU
អង្គការកម្ពុជាអូស្ត្រាលីបាល់ទាត់រីករាយ (HFCA) បង្កើតឡើងនៅឆ្នាំ២០០៥ ក្នុងគោលបំណងលើកកម្ពស់សមត្ថភាពរបស់យុវជនខ្វះឱកាសនៅកម្ពុជាតាមរយៈវិស័យបាល់ទាត់។ HFCA ធានាថាយុវជនដែលមានភាពខ្វះខាតឱកាសទាំងនោះនឹងទទួលបានការហ្វឹកហាត់ប្រកបដោយគុណភាពខ្ពស់ ការកសាងស្មារតីក្រុម និងឱកាសក្នុងការប្រមូលផ្ដុំគ្នា។ កម្មវិធីនេះជួយគាំទ្រដល់សុខុមាលភាព សុខភាពផ្លូវចិត្ត ការឲ្យតម្លៃលើខ្លួនឯង និងការបង្កើតវិថីឆ្ពោះទៅរកឱកាសបន្តបន្ទាប់ទៀតតាមរយៈការអភិវឌ្ឍន៍ជំនាញទន់ដើម្បីទទួលបានជោគជ័យក្នុងការអប់រំ និងការងារ។
សកម្មភាពចុះ MOU
តាមរយៈការធ្វើការរួមគ្នារវាងអង្គការ HFCA និង CCF នាពេលជាច្រើនឆ្នាំកន្លងមកនេះបានជួយដល់យុវជន និងយុវតីជាច្រើនបានចូលរួមក្នុងព្រឹត្តិការណ៍ប្រកួតបាល់ទាត់ដែលរៀបចំឡើង HFCA នៅឯក្រៅប្រទេសជាច្រើនរាប់ចាប់តាំងពីឆ្នាំ២០១០ ដល់ ២០២៦ នេះ។
បញ្ជាក់ដែរថា ពិធីចុះអនុស្សរណៈនៃការយោគយល់គ្នារវាង HFCA និង CCF នេះធ្វើឡើងនៅថ្ងៃទី១ ខែកញ្ញា ឆ្នាំ២០២៦ នៅឯអគារ Raintree Cambodia ដោយមានការអញ្ជើញចូលរួមពីលោក Paraic Grogan និងលោក Scott Neeson ដែលជាតំណាងអង្គការទាំងពីរ៕
សកម្មភាពចុះ MOU
