កុមារីកម្ពុជា ២ រូបបានធ្វើដំណើរពីរាជធានីភ្នំពេញទៅកាន់ទីក្រុងឡុងដ៍ ដើម្បីចូលរួមកាន់ដៃកីឡាករបាល់ទាត់ល្បីៗរបស់ក្លឹបTottenham Hotspur ដើរក្នុងពិធីបើកការប្រកួតកីឡាបាល់ទាត់ Premier League ជាផ្លូវការ នៅថ្ងៃទី១៦ ខែសីហាដែលពួកគេនឹងប្រកួតតទល់នឹងក្រុម Burnley សម្រាប់រដូវកាល ២០២៥/២០២៦។
កុមារី ២ រូបមានអាយុ១២ និង១៣ឆ្នាំដែលជាសិស្សអង្គការផ្កាយសមុទ្រ និងជាកីឡាការិនីក្នុងកម្មវិធីបាល់ទាត់អង្គការផ្កាយសមុទ្របានចេញទៅកាន់ប្រទេសអង្លេស ដែលនេះគឺជាការធ្វើដំណើរទៅក្រៅប្រទេសលើកដំបូងបង្អស់ក្នុងជីវិតរបស់ពួកគេ ដោយពួកគេសុទ្ធសឹងតែមកពីក្រុមគ្រួសារមានជីវភាពខ្វះខាត ។
ថ្លែងនាអាកាសយានដ្ឋានអន្តរជាតិភ្នំពេញកាលពីល្ងាចថ្ងៃទី១៤សីហាឆ្នាំ២០២៥ អ្នកស្រី ជួប វិច្ឆិកា អគ្គនាយិកាប្រតិបត្តិរបស់អង្គការផ្កាយសមុទ្របានឲ្យដឹងថា ការផ្តល់ឧកាសឲ្យកុមារី២រូបនេះចេញទៅកាន់ប្រទេសអង្លេសជាការលើកទឹកចិត្តមួយដែលអាចនិងបង្កើនក្តីស្រមៃរបស់ពួកគាត់ឲ្យបានសម្រេចនាពេលខាងមុខ។
អ្នកស្រីសង្ឃឹមថា តាមរយៈការឧបត្ថម្ភគាំទ្រពី AIA នៅពេលនេះការចូលរួមចំណែកមួយយ៉ាងសំខាន់ ដល់អង្គការ និងជាពិសេសការផ្តល់ឧកាសម្តងហើយម្តងទៀតរបស់ AIA គឺជាការផ្តល់ទំនុកចិត្តមួយដល់សំខាន់ ហើយយើងសង្ឃឹមនិងជឿរជាក់ថា កិច្ចសហការនេះនិងមានរយៈពេលយូរងអង្វែបន្តរទៀត ។
សូមបញ្ជាក់ផងដែរថា នេះជាលើកទី២ហើយ ដែលអង្គការផ្កាយសមុទ្របានដឹកនាំកុមារីចំនួន២រូប ទៅកាន់ប្រទេសអង្លេសដើម្បីកាន់ដៃកីឡាករក្នុងពិធីបើកការប្រកួតជាផ្លូវការក្របខណ្ឌ Premier League ។
ការធ្វើដំណើរបស់កុមារៗទាំងនេះទៀតសោតនឹងអមដំណើរដោយ លោក សុខ បូរ៉ាន់ ជាមន្ត្រីសម្របសម្រួលកម្មវិធីបាល់ទាត់របស់អង្គការផ្កាយសមុទ្រ និងអ្នកស្រី ជួប វិច្ឆិកា អគ្គនាយិកាប្រតិបត្តិរបស់អង្គការផ្កាយសមុទ្រ និងតំណាងក្រុមហ៊ុនធានារ៉ាប់រងអាយុជីវិត និងសុខភាព អេ អាយ អេ ខេមបូឌា ផងដែរ៕
