ព្រឹកថ្ងៃទី២៩ ខែកញ្ញា ឆ្នាំ២០២៥ អគ្គនាយកដ្ឋានកីឡាបានរៀបចំសិក្ខាសាលាលើកកម្ពស់សមត្ថភាពស្ត្រីក្នុងវិស័យកីឡាស្ដីពី «មូលដ្ឋានគ្រឹះក្នុងការប្រើប្រាស់បច្ចេកវិទ្យាព័ត៌មាន» គម្រោងសមភាពយេនឌ័រ ដែលមានសិក្ខាកាមជាស្ត្រីសរុប ៤០នាក់។
ទិដ្ឋភាពបើកសិក្ខាសាលា
ភ្នំពេញ៖ សិក្ខាសាលាស្តីពី «មូលដ្ឋានគ្រឹះក្នុងការប្រើប្រាស់បច្ចេកវិទ្យាព័ត៌មាន» សម្រាប់មន្ត្រីនារីក្នុងវិស័យកីឡានេះគឺជាសិក្ខាសាលាលើកទី១ នៃការអនុវត្តផែនការសកម្មភាពនេះ។ សិក្ខាសាលានេះត្រូវបានរៀបចំឡើងដោយផ្អែកតាមលទ្ធផល នៃការស្ទាប់ស្ទង់មតិចំពោះមន្ត្រីនារីទាំងអស់នៅអគ្គនាយកដ្ឋានកីឡា និងមន្ត្រីនារីនៅតាមអង្គភាពទាំងអស់ចំណុះអគ្គនាយកដ្ឋានកីឡាកាលពីឆ្នាំ ២០២៤ ដែលលទ្ធផលនោះបានបង្ហាញថា មន្ត្រីនារីភាគច្រើនពុំទាន់មានសមត្ថភាពផ្នែកប្រើប្រាស់បច្ចេកវិទ្យាព័ត៌មានក្នុងការបំពេញការងារបានល្អប្រសើរនៅឡើយ។
ទិដ្ឋភាពបើកសិក្ខាសាលា
សិក្ខាសាលានេះមានគោលបំណងជំរុញឱ្យមន្ត្រីនារីដែលកំពុងបំពេញការងារនៅអគ្គនាយកដ្ឋានកីឡា និងនៅអង្គភាពចំណុះអគ្គនាយកដ្ឋានកីឡាទទួលបាននូវសមត្ថភាពបន្ថែមលើជំនាញបច្ចេកវិទ្យាព័ត៌មានដែលនឹងអាចជួយពួកគេក្នុងការបំពេញការងាររដ្ឋបាល និងការងារផ្សេងៗតាមអង្គភាពប្រកប ដោយប្រសិទ្ធភាពជាងមុន។
ទិដ្ឋភាពបើកសិក្ខាសាលា
សិក្ខាកាមនឹងទទួលបានចំណេះដឹងផ្នែកប្រើប្រាស់ប្រព័ន្ធបច្ចេកវិទ្យាព័ត៌មានពាក់ព័ន្ធនឹង Microsoft Word Microsoft Excel Microsoft Power Point ការរៀបចំGoogle Form និងការប្រើប្រាស់បញ្ញាសិប្បនិម្មិត (AI) ក្នុងការបំពេញការងាររដ្ឋបាល ដែលចំណេះដឹងទាំងនេះសុទ្ធតែមានសារសំខាន់ដល់ពួកគេក្នុងការប្រើប្រាស់ដើម្បីបំពេញការងារតាមអង្គភាពទាំងក្នុងកិច្ចការរដ្ឋបាល និងក្នុងការបង្រៀនរបស់ពួកគេ។
ទិដ្ឋភាពបើកសិក្ខាសាលា
ឮបញ្ជាក់ដែរថា សិក្ខាសាលានេះមានសិក្ខាកាមសរុបចំនួន ៤០នាក់មកពីលេខាធិការដ្ឋាន នៃអគ្គនាយកដ្ឋានកីឡាចំនួន ២រូប នាយកដ្ឋានកីឡាជំនាញនិងកីឡាមហាជន ចំនួន ៧រូប នាយកដ្ឋានអប់រំកាយនិងកីឡាសិស្ស និស្សិតចំនួន ៨រូប មជ្ឈមណ្ឌលជាតិហ្វឹកហ្វឺនកីឡាចំនួន ១១រូប វិទ្យាស្ថានជាតិអប់រំកាយនិងកីឡាចំនួន ១០រូប នាយកដ្ឋានរៀបចំព្រឹត្តិការណ៍និងស្ថិតិកីឡាចំនួន ២រូប។ សិក្ខាសាលានេះចាប់ផ្ដើមពីថ្ងៃទី២៩ ខែកញ្ញា ដល់ទី៣ ខែតុលា ឆ្នាំ២០២៥ នៅវិទ្យាស្ថានជាតិអប់រំកាយ និងកីឡា៕
ទិដ្ឋភាពបើកសិក្ខាសាលា
