ក្រសួងអប់រំ យុវជន និងកីឡា វគ្គសិក្ខាសាលាស្តីពី “វិន័យ និងក្រមសីលធម៌” ដែលបញ្ចប់ទៅនេះនឹងជួយដល់យុវជនត្រៀមខ្លួនបានល្អពាក់ព័ន្ធហ្នឹងពេលទៅចួលរួមប្រកួតក្នុងព្រឹត្តិការណ៍កីឡាយុវជនអាស៊ី លើកទី៣ នៅប្រទេសបារ៉ែន។
សិក្ខាសាលាដល់មានសារសំខាន់ពី “វិន័យ និងក្រមសីលធម៌” ដែលមានគ្រូឧទ្ទេសដល់ទៅ ៥នាក់ដែលសុទ្ធសឹងជាអ្នកជំនាញពោពេញដោយបទពិសោធលើឆាកអន្តរជាតិជាច្រើនឆ្នាំមកហើយ។
សិក្ខាកាមបានយល់បន្ថែមទៀតអំពីច្បាប់ទម្លាប់ និងកិច្ចការសំខាន់ៗដែលគួរធ្វើ ប្រុងប្រយ័ត្ន និងចំណុចដែលត្រូវជៀសឲ្យបាននៅពេលចេញទៅចូលរួមការប្រកួតកម្រិតអន្តរជាតិពិសេសការចេញទៅលើកដំបូងៗដូចជាក្រុមយុវជននៅពេលនេះ។ ម្នាក់ៗត្រូវយកចិត្តទុកដាក់ និងគោរពវិន័យឲ្យបានខ្ជាប់ខ្ជួនប្រកបដោយសិលធម៌សមជាប្រជាពលរដ្ឋខ្មែរស្លូត្រង់។
បញ្ជាក់ដែរថា ក្រសួងអប់រំ យុវជន និងកីឡា បានបើកវគ្គសិក្ខាសាលាស្តីពី “វិន័យ និងក្រមសីលធម៌” រយៈពេល ២ថ្ងៃកាលពីថ្ងៃទី២-៣ តុលា ២០២៥។ វគ្គនេះដើម្បីពង្រឹងស្មារតីត្រៀមបញ្ជូនយុវជនកម្ពុជាទៅចូលរួមព្រឹត្តិការណ៍កីឡាយុវជនអាស៊ី លើកទី៣ នៅប្រទេសបារ៉ែន ចាប់ពីថ្ងៃទី២២ ដល់ ទី៣១ ខែតុលា ឆ្នាំ ២០២៥ នៅប្រទេសបារ៉ែន ដែលមានចំនួន ២២៣ វិញ្ញាសា លើ ២៤ប្រភេទកីឡា៕
