ព្រឹកថ្ងៃទី៧ ខែតុលា ឆ្នាំ២០២៥ អង្គការកម្ពុជាអូស្ត្រាលីបាល់ទាត់រីករាយ (HFCA) បានធ្វើសន្និសីទសារព័ត៌ប្រកាសពីការរៀបចំពិធីគម្រប់ខួប ២០ឆ្នាំនៅកម្ពុជាក្រោយធ្វើសកម្មភាពសប្បុរសធ៌ជួយដល់ជីវភាពកុមារកម្ពុជាជៀសផុតពីទុក្ខលំបាក ងាកតស៊ូរៀនសូត្រ និងលេងកីឡាបាល់ទាត់។
សកម្មភាពសន្នីសីទសារព័ត៌មាន
គម្រោងដែលអង្គការ HFCA នឹងរៀបចំធ្វើឡើងនេះគឺនៅថ្ងៃទី១៦ ខែវិច្ឆិកា ឆ្នាំ២០២៥ រយៈពេលមួយព្រឹកនៅឯពហុកីឡដ្ឋានជាតិមរតកតេជោដែលមានអ្នកចូលរួមជាច្រើន និងមានជាសកម្មភាពប្រកួតកីឡាបាល់ទាត់ដើម្បីបង្កើតជាភាពរីករាយ។
សកម្មភាពសន្នីសីទសារព័ត៌មាន
យុវជនចំនួន ៨០នាក់មកពីអង្គការដៃគូទាំងពីរនឹងចូលរួមក្នុងការប្រកួតកីឡាយុវជន ក្រោមការគ្រប់គ្រងរបស់ CJ Coaching ដែលជាដៃគូរបស់អង្គការ HFCA។ យុវជនចំនួន ៤០នាក់ មកពីអង្គការមូលនិធិកុមារកម្ពុជា ដែលជាដៃគូរបស់អង្គការ HFCA នៅរាជធានីភ្នំពេញ នឹងមានវត្តមានចូលរួមផងដែរ។
សកម្មភាពសន្នីសីទសារព័ត៌មាន
ចំណែកយុវជន ៤០នាក់ទៀតមកពីអង្គការ Build your Future Today ដែលជាអង្គការដៃគូរបស់យើងប្រចាំខេត្តសៀមរាបក៏នឹងចូលរួមការប្រកួតកីឡាយុវជននេះដែរ។ យុវជនខ្មែរក្រីក្រទាំង ៨០នាក់ដែលចូលរួមក្នុងព្រឹត្តិការណ៍នេះគឺមានប្រុសចំនួន ៤០នាក់ និងស្រីចំនួន ៤០ នាក់។
សកម្មភាពសន្នីសីទសារព័ត៌មាន
បន្ទាប់ពីការប្រកួតរបស់យុវជននេះហើយនឹងមានការប្រកួតពិសេសមួយហៅថា VIP 11 Vs 11 ជាមួយនឹងភ្ញៀវកិត្តិយសទាំងអតីតកីឡាករ និងកីឡាករថ្មីៗរបស់អង្គការ HFCA ព្រមទាំងតំណាងមកពីអង្គការដៃគូរបស់យើង។ សមាជិកក្រុមប្រឹក្សាភិបាលរបស់អង្គការ HFCA រួមមានលោក Scott Neeson រ៉េត សារីតា ចាន់ រដ្ឋា និងកែវ គូនីឡា នឹងអញ្ជើញចូលរួមនៅក្នុងការប្រកួតដ៏ពិសេសនេះ។ ភ្ញៀវកិត្តិយសផ្សេងទៀតដែលអញ្ជើញចូលរួម មានដូចជាលោក Tiger Reth លោក Christopher Grant លោក Tim Grintal លោក P-Sand លោក ហម ពិដោរ លោក កែម បូរ៉ា លោក វុទ្ធី មុនីរ័ត្ន និង ឯ.ឧ សោម រតនា។
សកម្មភាពសន្នីសីទសារព័ត៌មាន
អង្គការ HFCA មានគ្រូបង្វឹកបាល់ទាត់លំដាប់កំពូលពីររូប ដើម្បីគ្រប់គ្រងក្រុមក្នុងការប្រកួតពិសេស VIP ជាមួយ លោក Conor Nestor អ្នកគ្រប់គ្រងលីគកំពូលកម្ពុជា ទទួលបន្ទុកក្រុមបាល់ទាត់ HFCA Elephants និងលោកColum Curtis មិត្តរួមអាជីពសញ្ជាតិអៀរឡង់ ជាអតីតគ្រូបង្វឹកក្លិបបាល់ទាត់វិសាខា FC ដែលគ្រប់គ្រងក្រុមបាល់ទាត់ HFCA Tigers ។
សកម្មភាពសន្នីសីទសារព័ត៌មាន
លោក ចាន់ រដ្ឋា សមាជិកក្រុមប្រឹក្សាភិបាលរបស់អង្គការ HFCA មានក្តីរីករាយក្នុងការលះបង់ពេលវេលារបស់ខ្លួនដោយស្មគ្រ័ចិត្ត ដើម្បីគាំទ្រដល់ការងាររបស់ HFCA “ HFCA មិនមែនត្រឹមតែបង្រៀនក្មេងៗឱ្យលេងបាល់ទាត់ប៉ុណ្ណោះទេ ដោយពួកគេទាញយកប្រយោជន៍ពីការប្រកួត ទៅបង្កើតអ្វីដែលសំខាន់ជាងនេះទៅទៀតពោលគឺ ទំនុកចិត្ត ការគោរពខ្លួនឯង និងការជឿជាក់ថាក្រុមមួយអាចរួមគ្នាសម្រេចអ្វីៗបានទាំងអស់។ នោះគឺជាបេះដូងនៃអ្វីដែល HFCA ធ្វើ” ។
“ខ្ញុំពិតជាចង់ឃើញព្រឹត្តិការណ៍ដ៏រីករាយមួយដែលនាំមកនូវម្ចាស់ជើងឯកជាច្រើននៃស្មារតីខ្មែរ និងការរួបរួមតែ មួយ។ ចំពោះស្ថាប័នមួយដែលដំណើរការរហូតដល់ ២០ ឆ្នាំ នោះគឺជាសមិទ្ធផលដ៏ធំធេងមួយ។ នៅពេលដែលខ្ញុំគិតពីរយៈពេល ២០ ឆ្នាំរបស់អង្គការ HFCA នោះខ្ញុំគិតថាតើមានយុវជនប៉ុន្មាននាក់ដែលបានឆ្លងកាត់ បទពិសោធន៍ជីវិតជាវិជ្ជមានអស់រយៈពេលជាច្រើនឆ្នាំ តាមរយៈពីការប្តេជ្ញាចិត្តរបស់ HFCA ក្នុងការផ្តល់ឱ្យកុមារា និងកុមារី នូវឱកាសដើម្បីភាពរីកចម្រើន តាមរយៈការចូលរួមរបស់ពួកគេនៅក្នុងការប្រកួត Premier League ។
សកម្មភាពសន្នីសីទសារព័ត៌មាន
“នេះគឺជាពេលវេលាដ៏គួរឱ្យកត់សម្គាល់មួយចំពោះ HFCA ដែលបានបោះជំហានអស់រយៈពេល ២០ ឆ្នាំ នៅក្នុងការបម្រើសេវាសហគមន៍ក្នុងប្រទេសកម្ពុជា។ យើងមានសេចក្តីរំភើបរីករាយ ដែលបានសម្លឹងឃើញពីអនាគតខាងមុខ នៅពេលដែលយើងបន្តរីកចម្រើន និងពង្រីកកម្មវិធីរបស់យើងនៅក្នុងប្រទេស“ ។ នេះបើតាមប្រសាសន៍របស់លោក Paraic Grogan ដែលជាស្ថាបនិកអង្គការ HFCA។
សកម្មភាពសន្នីសីទសារព័ត៌មាន
“ HFCA គឺជាអង្គការដ៏អស្ចារ្យមួយ ដោយសារអង្គការផ្តល់ឱ្យយុវជនដែលមិនមានគេយកចិត្តទុកដាក់ នូវស្មារតីនៃការគោរពខ្លួនឯង ការប្រកួតប្រជែង និងគុណតម្លៃនៃការធ្វើការជាក្រុម។ បើនិយាយអំពីផលចំណេញពីការ វិនិយោគ នេះគឺជាវិស័យមួយដ៏ល្អបំផុតនៅក្នុងប្រទេសកម្ពុជា” ។ នេះបើតាមប្រសាសន៍របស់លោក Scott Neeson ដែលជាស្ថាបនិកអង្គការមូលនិធិកុមារកម្ពុជា។
រំលឹកដែរថា HFCA គឺជាអង្គការមិនមែនរដ្ឋាភិបាលមួយ ដែលត្រូវបានបង្កើតឡើងនៅអំឡុងខែវិច្ឆិកា ឆ្នាំ ២០០៥ ក្នុង គោលបំណងផ្តល់ភាពអង់អាចដល់យុវជនក្រីក្រនៅក្នុងប្រទេសកម្ពុជា តាមរយៈវិស័យកីឡាបាល់ទាត់។ HFCA ធានាចំពោះយុវជនក្រីក្រមានលទ្ធភាពទទួលបានការបណ្តុះបណ្តាលគុណភាពខ្ពស់ ការបង្កើតក្រុម និងឱកាសក្នុងការប្រមូលផ្តុំ។ ការងារនេះជួយគាំទ្រដល់សុខុមាលភាព សុខភាពផ្លូវចិត្ត ការគោរពខ្លួនឯង ហើយអ្វីដែលសំខាន់ គឺផ្តល់នូវវិថីឆ្ពោះទៅរកឱកាសបន្ថែមទៀត ដោយការអភិវឌ្ឍជំនាញទន់ដើម្បីភាពជោគជ័យក្នុងការអប់រំ និងការងារ៕
