ប្រធានសហព័ន្ធកីឡារាំកម្ពុជា សង្ឃឺមទទួលបានធនធានថ្មីៗបន្ថែមទៀតមកចូលរួមហ្វឹកហាត់ និងប្រកួតតំណាងជាតិក្នុងកម្មវិធីនានានៅលើឆាកអន្តរជាតិនៅថ្ងៃខាងមុខបន្ទាប់ពីមានការជួយពង្រីកផ្សព្វផ្សាយពីទូតសុច្ឆន្ទៈថ្មី។
លោកជំទាវ និងកញ្ញា អេនណា
លោកជំទាវ ញ៉ែម មករត ប្រធានសហព័ន្ធកីឡាបានមានប្រសាស៍ថា ដោយមើលឃើញកីឡាមួយនេះមិនសូវមានមហាជនដឹងទូលំទូលាយ និងអាណាព្យាបាលមួយចំនួនមិនទាន់យល់ច្បាស់ពីរបៀបរបបនៃការហ្វឹកហាត់នាពេលកន្លងមកទើបជ្រើសរើសទូតសុច្ឆន្ទៈគឺកញ្ញា កុយ អេនណា មកជួយផ្សព្វផ្សាយបន្ថែម។ ការផ្សព្វផ្សាយគឺត្រូវការអ្នកដែលស្រឡាញ់ចូលចិត្តផង និងមានទេពកោសល្យ ភាពល្បីល្បាញទៀតទើបមានប្រសិទ្ធភាពកាន់តែខ្លាំងទូលំទូលាយដល់គ្រប់ស្រទាប់មហាជន ពិសេសយុវជន។
លោកជំទាវ និងកញ្ញា អេនណា
ថ្នាក់ដឹកនាំសហព័ន្ធរូបនេះ សង្ឃឹមថានៅពេលខាងមុខនេះសហព័ន្ធមានការចូលរួមហ្វឹកហាត់ពីមហាជន យុវជនក្មេងៗកាន់តែច្រើនលើប្រភេទកីឡារាំនេះបន្ទាប់ពីការជួយពង្រីកផ្សព្វផ្សាយ។ កីឡារាំមិនត្រឹមតែផ្ដល់នូវជំនាញច្បាស់លាស់មួយនោះទេគឺធ្វើឲ្យម្នាក់ៗមានសុខភាពល្អ មានភាពរហ័សរហួន និងមានឱកាសបានចេញប្រកួតតំណាងប្រទេសកម្ពុជា សាងស្នាដៃជូនជាតិទៀតផង។
កញ្ញា កុយ អេនណា
ការលើកឡើងរបស់លោកជំទាវ ញ៉ែម មរកត នេះក្នុងឱកាសបិទបញ្ចប់ការប្រកួតជ្រើសរើសជើងឯកថ្នាក់ជាតិ កាលពីថ្ងៃទី១៨ ខែធ្នូ ឆ្នាំ២០២៥។ កញ្ញា កុយ អេនណា ត្រូវបានសហព័ន្ធកីឡារាំកម្ពុជាជ្រើសរើសជាទូតសុច្ឆន្ទៈដើម្បីចូលរួមក្នុងសកម្មភាពផ្សេងៗរបស់សហព័ន្ធចាប់ពីពេលនេះតទៅ៕
លោកជំទាវ ញ៉ែម មករត
