ក្នុងមហាសន្និបាតបញ្ចប់អាណិត្តទី៧នាព្រឹកថ្ងៃទី២៨មករាឆ្នាំ២០២៦នេះ ឯកឧត្តមសន្តិបណ្ឌិត គៀត ច័ន្ទថារឹទ្ធ ត្រូវបានសមាជិកប្រតិបិត្តបោះឆ្នោតជាប់ជាប្រធានសហព័ន្ធកីឡា វាយកូនឃ្លីលើតុ អាណត្តិថ្មីទី៨រយៈពេល៥ឆ្នាំបន្តទៀត ចាប់ពីឆ្នាំ២០២៥ ដល់ឆ្នាំ២០២៩។
ស្របពេលដែលឯកឧត្តមជាប់ជាប្រធាន ក៍មានអនុប្រធានចំនួន១៣រូបផ្សេងទៀត ដោយក្នុងនោះ ឯកឧត្តម ឧត្តមសេនីយ៍ឯក សុខវាសនា ជាអនុប្រធានទី១ និង ឯកឧត្តម ឧត្តមសេនីយ៍ឯក យិត ភារៈ ជាអនុប្រធានទី២ ។ លោក ហេង សុខ ជាតិ ជាអគ្គលេខាធិការ លោក ឧត្តមសេនីយ៍ទោ ព្រុំ ឌុចបូរ៉ានឿន ជាអគ្គហរិញ្ញឹក រួមទាំងសមាជិកជាច្រើនរូបទៀត សរុបចំនួន២៩នាក់។
ក្នុងនាមប្រធានដឹកនាំសហព័ន្ធអាណត្តិជាបន្ត ឯកឧត្តមសន្តិបណ្ឌិត គៀត ច័ន្ទថារឹទ្ធ បានលើកនៅទិសដៅសំខាន់ៗចំនួន៣ចំណុចរួមមាន៖
១ រៀបចំផែនការអភិវឌ្ឍន៍កីឡាករ កីឡាការិនី តាមរយៈផែនការហ្វឹកហាត់តាមតំណាក់កាល ពិសេសហ្វឹកហាត់ជំនាញ និងគ្រូបង្វឹកដែលមានគុណវឌ្ឍ មានបទពិសោធន៍ខ្ពស់។
២. រៀបចំឲ្យមានការហ្វឹកហាត់នៅក្រៅប្រទេស និងការប្រកួតថ្នាក់ជាតិ អន្តរជាតិឲ្យបានច្រើនតាមដែលអាចធ្វើទៅបាន។ការផ្តល់អាហារូបត្ថម្ភ ការថែរទាំសុខភាព និង ការលើកទឹកចិត្តផ្សេងៗ។
៣. បន្ថែមនូវធនធានមន្រ្តីរៀបចំការប្រកួត អាជ្ញាកណ្តាល ជំនួយការអាជ្ញាកណ្តាល ជម្រុញឲ្យមានសមត្ថភាព ជាអជ្ញាកណ្តាលអន្តរជាតិ។
ឯកឧត្តមបន្តថា អាណាត្តិទី៨នេះ ជាអាណត្តិយុត្តសាស្រ្តសម្រាប់កីឡាវាយកូនឃ្លីលើតុ ដើម្បីចូលរួមការប្រកួតកីឡាសកលវិទ្យាល័យអាស៊ានលើកទី២២ និងការប្រកួតកីឡាស៊ីហ្គេមលើកទី៣៤ឆ្នាំ២០២៧ ដែលម៉ាឡេស៊ីធ្វើជាម្ចាស់ផ្ទះ និងត្រៀមខ្លួនក្នុងការចូលរួមប្រកួតអន្តរជាតិផ្សេងៗទៀត។
បើយោងតាមរបាយការណ៍របស់លោក ហេង សុខ ជាតិ ជាអគ្គលេខាធិការ សហព័ន្ធកីឡាវាយកូនឃ្លីលើតុ បានបញ្ហាញអំពីគម្រោងសំខាន់ៗចំនួន២៤កម្មវិធី មានទាំងការចូលរួមវគ្គបណ្តុះបណ្តាល ការប្រកួតថ្នាក់ជាតិ និងការត្រៀមខ្លួនចូលរួមប្រកួតកម្រិតអន្តរជាតិផងដែរ៕
