ក្លិបទាំង៥នៅ Premier League បានចំណាយច្រើនជាងគេបំផុត ក្នុងការទិញកីឡាករថ្មីនៅរដូវក្តៅ

ការដោះដូរកីឡាករនៅក្របខណ្ឌ Premier League កំពុងតែមមាញឹកខ្លាំង មុនទីផ្សារដោះដូរកីឡាកររដូវក្តៅបិទនៅថ្ងៃទី ១ ខែ កញ្ញា ឆ្នាំ ២០២៥។
ទិន្នន័យលំអិត ដែលដកស្រង់ចេញពី Transfer Market បានបង្ហាញអំពីក្លិបទាំង ៥ ក្នុងក្របខណ្ឌ Premier League បានចំណាយច្រើនជាងគេបំផុត ក្នុងការទិញកីឡាករថ្មីនៅរដូវក្តៅនេះ។

លេខរៀងទី៥ Manchester City ចាយលុយសរុបអស់ ចំនួន ១៦៨ លានដុល្លារអាមេរិក។
លេខរៀងទី៤ Man United ចាយលុយសរុបអស់ ចំនួន ១៧៦.១ លានដុល្លារអាមេរិក។
លេខរៀងទី៣ Arsenal ចាយលុយសរុបអស់ ចំនួន ២៥៨.៨៥ លានដុល្លារអាមេរិក។
លេខរៀងទី២ Chelsea ចាយលុយសរុបអស់ ចំនួន ២៨២.៨៧ លានដុល្លារអាមេរិក។
លេខរៀងទី១ Liverpool ចាយលុយសរុបអស់ ចំនួន ៣៥៨.៩ លានដុល្លារអាមេរិក៕

Featured កីឡាអន្តរជាតិ

ឥណ្ឌូនេស៊ីមិនទាន់ច្បាស់លាស់ពីការលេងស៊ីហ្គេម ២០២៥ ព្រោះជម្លោះថៃ និង កម្ពុជា

July 31, 2025

លោក Dito Ariotedjo រដ្ឋមន្ត្រីក្រសួងយុវជន និងកីឡារបស់ប្រទេសឥណ្ឌូណេស៊ី បានថ្លែងថា ឥណ្ឌូនេស៊ី កំពុងតាមដានយ៉ាងដិតដល់នូវស្ថានការណ៍រវាងថៃ និងកម្ពុជា មុនពេលព្រឹត្តិការណ៍កីឡាអាស៊ីអាគ្នេយ៍ SEA Games លើកទី៣៣ នៅចុងឆ្នាំនេះ ដែលថៃធ្វើជាម្ចាស់ផ្ទះ ចូលមកដល់។ ការវិវឌ្ឍន៍នៃស្ថានការណ៍ ថៃ កម្ពុជា នឹងក្លាយជាកត្តាកំណត់ការចូលរួមរបស់ឥណ្ឌូណេស៊ីនៅក្នុងព្រឹត្តិការណ៍កីឡាស៊ីហ្គេមឆ្នាំ២០២៥ ដែលនឹងចាប់ផ្តើមពីថ្ងៃទី៩ ដល់ថ្ងៃទី២០ ខែធ្នូ នៅក្នុងទីក្រុងបាងកក ឈុនបុរី និងសុងក្លា។ឥណ្ឌូណេស៊ីមិនទាន់ធ្វើការសម្រេចចិត្តច្បាស់លាស់ទាក់ទងនឹងការចូលរួមរបស់ខ្លួន នៅក្នុងកីឡាស៊ីហ្គេមនោះទេ។ យ៉ាងណា ឥណ្ឌូនេស៊ី នឹងផ្តល់អាទិភាពលើសុវត្ថិភាព និងសុខុមាលភាពរបស់ខ្លួន ដោយសម្របតាមវិធីសាស្ត្រ ផ្អែកលើស្ថានភាពជម្លោះ។ ប៉ុន្តែទោះបីមានការប្រែប្រួលក៏ដោយ ការត្រៀមខ្លួនរបស់ឥណ្ឌូណេស៊ីសម្រាប់កីឡាស៊ីហ្គេមកំពុងបន្ត ខណៈអត្តពលិកកំពូលៗពីវិញ្ញាសាកីឡាផ្សេងៗកំពុងចូលរួមក្នុងជំរុំហ្វឹកហាត់ថ្នាក់ជាតិ ដើម្បីត្រៀមប្រកួតនៅចុងឆ្នាំនេះ។លោក Dito Ariotedjo បានលើកឡើងថា “ពិតណាស់ ក្រសួងយុវជន និងកីឡា រួមជាមួយគណៈកម្មាធិការជាតិអូឡាំពិកឥណ្ឌូណេស៊ី NOC កំពុងតែបន្តតាមដានការវិវឌ្ឍន៍ចុងក្រោយបង្អស់ក្នុងការប៉ះទង្គិចគ្នារវាងថៃ និងកម្ពុជា មុនការសម្រេចចិត្តទាក់ទងនឹងកីឡាស៊ីហ្គេម។” ការលើកឡើងរបស់រដ្ឋមន្ត្រីកីឡារបស់ឥណ្ឌូណេស៊ីកើតឡើងប៉ុន្មានថ្ងៃប៉ុណ្ណោះ បន្ទាប់ពីរដ្ឋមន្ត្រីក្រសួងយុវជន និងកីឡាប្រទេសម៉ាឡេស៊ី អ្នកស្រី Hannah Yeoh បានថ្លែងថា […]

Featured កីឡាអន្តរជាតិ

អ្នកគាំទ្រ Crystal Palace បាចប្រាក់ក្លែងក្លាយ នៅស្ថាប័ន UEFA ករណីទម្លាក់ក្លិបពី Europa League

July 28, 2025

អ្នកគាំទ្រ Crystal Palace បានបាចប្រាក់ក្លែងក្លាយ នៅស្នាក់ការកណ្តាលរបស់សហព័ន្ធបាល់ទាត់អឺរ៉ុប UEFA ព្រោះខឹងសម្បារការទម្លាក់ក្លិបពួកគេពីពានរង្វាន់ Europa League ។ សេចក្តីសម្រេចរបស់ UEFA ទម្លាក់ក្រុមជើងឯក FA Cup ទៅលីគកម្រិតទី៣ Europa Conference ដោយចោទប្រកាន់ថាក្លិបមានម្ចាស់តែមួយគ្រង់គ្រងជាមួយនឹងក្លិប Olympique Lyonnais។ការតវ៉ាពីសំណាក់អ្នកគាំទ្រ Crystal Palace ទាំងនៅអង់គ្លេស និងជាពិសេសនៅទីស្នាក់ការរបស់ UEFA ស្ថិតក្នុងទីក្រុង Nyon ប្រទេសស្វីស។ ក្រុមអ្នកគាំទ្រ បានយកវ៉ាលីដាក់ប្រាក់ក្លែងក្លាយ ទៅ UEFA បង្ហាញការប្រឆាំងទៅនឹងការសម្រេចចិត្ត និង ចង់មានន័យថា UEFA ស៊ីសំណូក គ្មានតម្លាភាព ហើយបានទាមទារស្វែងរកយុត្តិធម៌មកវិញ។ ក្លិប Crystal Palace បានឈ្នះកៅអី Europa League ឆ្នាំ ២០២៥-២៦ ក្រោយខ្លួនគ្រងជើងឯក FA Cup ប៉ុន្តែត្រូវបានសម្រេចទម្លាក់អោយទៅលេងនៅក្លិបកម្រិតទី៣ របស់អឺរ៉ុបវិញ ។ UEFA […]

កីឡា កីឡាអន្តរជាតិ

កម្ពុជាអាចនឹងត្រូវហាមមិនអោយចូលរួមប្រកួតស៊ីហ្គេមនៅទីក្រុងបាងកក

July 28, 2025

ប្រទេសថៃ ដែលជាម្ចាស់ផ្ទះកីឡាស៊ីហ្គេម ឆ្នាំ២០២៥ កំពុងពិចារណាហាមឃាត់កម្ពុជា មិនអោយចូលរួមព្រឹត្តិការណ៍នេះ ដោយសារបារម្ភពីសុវត្ថិភាពរបស់អត្តពលិកកម្ពុជា ដែលធ្វើដំណើរទៅប្រទេសថៃ ខណៈប្រទេសទាំងពីរនៅតែជាប់គាំងក្នុងការប៉ះទង្គិចគ្នានៅតាមព្រំដែន។ រដ្ឋមន្ត្រីក្រសួងទេសចរណ៍ និងកីឡា លោក Sorawong Thienthong មានប្រសាសន៍ថា អាជ្ញាធរថៃនឹងចាំបាច់ត្រូវពិភាក្សាអំពីការចូលរួមរបស់កម្ពុជានៅក្នុងការប្រកួតដែលគ្រោងធ្វើនៅខែធ្នូនេះ ហើយបានទទួលស្គាល់ថាការធ្វើពហិការមិនអោយអត្តពលិកកម្ពុជាចូលរួម គឺជាលទ្ធភាពមួយ។លោក Sorawong មានប្រសាសន៍ថា “ខ្ញុំព្រួយបារម្ភអំពីអំពើហិង្សាដែលកើនឡើង បន្ទាប់ពីមានការប៉ះទង្គិចគ្នារវាងប្រទេសថៃ និងកម្ពុជា។ វាអាចប៉ះពាល់ដល់តួនាទីរបស់ប្រទេសថៃក្នុងនាមជាម្ចាស់ផ្ទះស៊ីហ្គេម ជាពិសេសទាក់ទងនឹងសុវត្ថិភាពរបស់អត្តពលិកកម្ពុជាក្នុងព្រឹត្តិការណ៍នេះ។” មុនការប៉ះទង្គិចគ្នា នាពេលថ្មីៗនេះ កម្ពុជាបានបញ្ជាក់ពីចេតនាបញ្ជូនអត្តពលិក និងមន្ត្រីចំនួន ១.៥១៥ នាក់ចូលរួមប្រកួត។ ទោះជាយ៉ាងណាចាប់តាំងពីអំពើហិង្សាបានផ្ទុះឡើងមក ភាគីកម្ពុជាមិនមានការបញ្ជាក់បន្ថែមទៀតទេ។ កាលពីខែមិថុនា លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា NOCC បានអះអាងថា ជម្លោះព្រំដែននឹងមិនប៉ះពាល់ដល់ការប្រកួតកីឡាស៊ីហ្គេមលើកទី៣៣នៅទីក្រុងបាងកកនោះទេ។ លោកក៏បានធានាដល់សាធារណជនថា អត្តពលិកកម្ពុជាកំពុងបន្តការត្រៀមខ្លួនតាមការគ្រោងទុក។ទោះយ៉ាងណា ដោយមើលឃើញពីភាពតានតឹងនាពេលនេះ លោករដ្ឋមន្ត្រី Sorawong Thienthong បានព្រមានថា វាមានលទ្ធភាពខ្លាំងដែលកម្ពុជាអាចដកខ្លួន ឬត្រូវបានហាមឃាត់មិនអោយចូលរួមក្នុងស៊ីហ្គេមឆ្នាំ ២០២៥ នៅប្រទេសថៃ៕