Day: August 7, 2025
សម្តេចធិបតីសារទរចំពោះភាពជោគជ័យនៃកិច្ចប្រជុំGBCរវាងកម្ពុជា-ថៃ
ក្រោយកិច្ចប្រជុំរវាងកម្ពុជាថៃ ដែលធ្វើឡើងនៅប្រទេសម៉ាស៊ីបានបញ្ចប់នាថ្ងៃទី៧ខែសីហាឆ្នាំ២០២៥នេះ យោងតាមសំណេរលើហ្វេសបុកផ្លូវការ របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជាបានសរសេរថា ៖ ខ្ញុំសូមសម្តែងការអបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញនៃគណៈកម្មាធិការព្រំដែនទូទៅ កម្ពុជា-ថៃ (Extraordinary GBC Meeting) ដោយមានការចូលរួមសង្កេតការណ៍ពី ម៉ាឡេស៊ី សហរដ្ឋអាមេរិក និងសាធារណរដ្ឋប្រជាមានិតចិន នាថ្ងៃទី៧ ខែសីហា ឆ្នាំ២០២៥។ កិច្ចប្រជុំនេះជាការអនុវត្តនូវចំណុចដែលបានឯកភាពគ្នា រវាងខ្ញុំ និង ឯកឧត្ដម Phumtham Wechayachai នាយករដ្ឋមន្ត្រីស្តីទីនៃព្រះរាជាណាចក្រថៃ នៅក្នុងកិច្ចប្រជុំពិសេស នៅទីក្រុង Putrajaya, ប្រទេសម៉ាឡេស៊ីកាលពីថ្ងៃទី២៨ ខែកក្កដា ឆ្នាំ២០២៥ ដែលសហរៀបចំដោយម៉ាឡេស៊ី និងសហរដ្ឋអាមេរិក ដោយមានការចូលរួមដ៏សកម្មពីសាធារណរដ្ឋប្រជាមានិតចិន។ ភាគីទាំងពីរ កម្ពុជា-ថៃបានពិភាក្សានិងឯកភាពគ្នាលើលក្ខខណ្ឌនៃការអនុវត្តបទឈប់បាញ់ និងការបង្កើនការប្រាស្រ័យទាក់ទងគ្នារវាងកងទ័ពទាំងពីរ។ ភាគីទាំងពីរក៏បានយល់ព្រមជំរុញការរៀបចំលក្ខខណ្ឌប្រតិបត្តិនៃយន្តការតាមដានត្រួតពិនិត្យការអនុវត្តបទឈប់បាញ់របស់ក្រុមអ្នកសង្កេតការណ៍អាស៊ាន (ASEAN Observer Team) និងឯកភាពឱ្យមានក្រុមអ្នកសង្កេតការណ៍បណ្តោះអាសន្ន (Interim Observer Team) ដឹកនាំដោយអនុព័ន្ធយោធាម៉ាឡេស៊ីដើម្បីសង្កេតការណ៍ភ្លាមៗ និងបន្តរៀបចំក្រុមអ្នកសង្កេតការណ៍អាស៊ាន (ASEAN Observer Team)។ ភាគីទាំងពីរក៏បានឯកភាព រៀបចំកិច្ចប្រជុំរួមនៃគណៈកម្មាធិការព្រំដែនថ្នាក់ភូមិភាគ (RBC) […]
Read More
មូលហេតុដែលនាំឲ្យកើតមានជំងឺក្រពះ
ជំងឺមួយក្នុងចំណោមជំងឺទូទៅបំផុតគឺជំងឺក្រពះ ដោយសារតែការឈឺចាប់មកម្តងៗ បាត់ទៅហើយ អ្នកជំអឹមិនទៅជួបគ្រូពេទ្យដើម្បីព្យាបាលទេ រហូតដល់វាវិវត្តទៅជាជំងឺរ៉ាំរ៉ៃ និងបង្កើនហានិភ័យរយៈពេលវែង។ ជំងឺក្រពះ Dyspepsia គឺជាជំងឺដែលបង្កឡើងដោយរបួសក្រពះ រួមទាំងការរលាកនៃស្រទាប់ក្រពះ។ អ្នកគួរតែទៅជួបគ្រូពេទ្យភ្លាមៗ ដើម្បីព្យាបាល ។ វាមានមូលហេតុច្រើនដែលនាំអោយមានជំងឺក្រពះដូចជា ការឆ្លងមេរោគបាក់តេរី ការញ៉ាំអាហារពេលមិនទៀងទាត់ ឬ ញ៉ាំអាហារហឹរ ហឹរ និងជូរ និងការតមអាហារញឹកញាប់។ភាពតានតឹង, ថប់បារម្ភ ការផឹកកាហ្វេ ផឹកស្រា ជក់បារី ក៏នាំអោយមានជំងឺក្រពះដែរ។ បន្ថែមពីនេះ ការលេបថ្នាំបំបាត់ការឈឺចាប់ ឱសថរុក្ខជាតិ អាហារបំប៉នក៏សុទ្ធតែមានឥទ្ធិពលទៅលើការនាំអោយមានការឈឺក្រពះ។ តើជំងឺក្រពះមានរោគសញ្ញាអ្វីខ្លះ? ការឈឺចាប់នៅផ្នែកខាងលើពោះ និង ខាងលើផ្ចិត ឈឺពោះដែលមកជាច្រើនខែទៅច្រើនឆ្នាំ។ ការឈឺពោះ ឈឺចុកចាប់ពេញខ្លួន ព្រមទាំងឈឺពោះពេលឃ្លាន ឬពេលពោះទទេ។ វាក៏មានការឈឺចាប់មុនឬក្រោយអាហារ ឬឈឺចាប់ពេលគេង ហើមពោះ ក្តៅពោះ ក្អួត។ ចំពោះប្រភេទនៃជំងឺក្រពះ មានច្រើនយ៉ាង តែជំងឺក្រពះដោយគ្មានដំបៅ បានរកឃើញច្រើនបំផុត វាបណ្តាលមកពីអាស៊ីតច្រើនពេកនៅក្នុងក្រពះ។ ការកន្ត្រាក់ក្រពះមិនទៀងទាត់ ឬការឆ្លង បាក់តេរី ។ ជំងឺក្រពះធ្ងន់ធ្ងរគឺជា មហារីកក្រពះ ។ តើធ្វើដូចម្តេចដើម្បីព្យាបាលជំងឺក្រពះ? ផ្លាស់ប្តូរឥរិយាបទរបស់អ្នក រួមទាំងការញ៉ាំអាហារទាន់ពេល ចៀសវាងអាហារហឹរ ឈប់ផឹកតែ កាហ្វេ ភេសជ្ជៈមានជាតិអាល់កុល ឈប់ជក់បារី និងសម្រាកបានគ្រប់គ្រាន់។ […]
Read More
អម្ពិលទុំ ធ្វើឲ្យស្បែកមុខភ្លឺថ្លាតាមបែបធម្មជាតិ
ផ្លែអម្ពិលក្រៅពីប្រើជាគ្រឿងទេស វាក៏អាចដោះស្រាយបញ្ហាស្បែកមួយចំនួនផងដែរ។ អ្នកអាចប្រើអម្ពិលធ្វើជាម៉ាសអប់ លាបមុខ ដើម្បីពង្រឹងសុខភាពស្បែក។ គ្រឿងផ្សំមានដូចជា អម្ពិលទុំមួយស្លាបព្រាបាយ ត្រាំក្នុងទឹកបកយកតែសាច់ យ៉ាអួមួយស្លាបព្រាបាយនិងទឹកផ្កាកុលាបមួយស្លាបព្រាបាយ។ សម្រាប់ការអនុវត្តវិញគឺលោកអ្នកគ្រាន់តែយកកែវស្អាតមួយ ហើយដាក់គ្រឿងផ្សំទាំងអស់ចូលច្របល់ឲ្យសព្វល្អ ហើយយកល្បាយនេះ លាបពេញមុខរបស់អ្នក រក្សាទុក ១៥ទៅ២០នាទី ចាំលាងជម្រះចេញ។ ធ្វើបែបនេះ វានឹងជួយរក្សាស្បែករបស់អ្នកឲ្យមានសំណើម ស្អាត និងគ្មានបាក់តេរី។ អម្ពិលទុំមានលក្ខណៈសម្បត្តិ នៃការបន្សាបជាតិពុល ជួយបិទរន្ធញើស កាត់បន្ថយស្នាមនិងស្នាមជាំដែលទាក់ទងនឹងអាយុ និងរក្សាស្បែករបស់អ្នកឱ្យស្អាត។ វាក៏ផ្ទុកទៅដោយសារធាតុប្រឆាំងអុកស៊ីតកម្ម ដែលការពារស្បែក ពីរ៉ាឌីកាល់សេរីដែលបង្កគ្រោះថ្នាក់ និងមានលក្ខណៈសម្បត្តិព្យាបាលរបួស។ វិធីនេះនឹងធ្វើអោយលោកអ្នកទទួលបានស្បែកមុខភ្លឺថ្លាតាមបែបធម្មជាតិ។ យ៉ាងណាក៏ដោយ មុនអនុវត្តរូបមន្តថែសម្រស់ដោយប្រើអម្ពិលទុំនេះដែរ អ្នកគួរចៀសវាងចំណុចមួយចំនួនដូចជាកុំយកល្បាយអម្ពិលលាបលើស្បែក ដែលទើបតែកោរោមឬបករោមហើយ ព្រោះអាស៊ីតក្នុងផ្លែអម្ពិល អាចធ្វើឲ្យស្បែកអ្នករលាក។ ចំពោះស្បែកដែលងាយប្រតិកម្ម វិធីនេះក៏អាចនឹងធ្វើឲ្យរមាស់ ព្រោះ ដូច្នេះ អ្នកអាចតេស្តស្បែកម្តុំណាមួយកន្លែង ដើម្បីពិសោធន៍សិនមុននឹងប្រើប្រាស់វា៕
Read More