Tottenham Hotspur កំពុងពិភាក្សាជាមួយ Los Angeles FC ជុំវិញការផ្ទេរខ្សែប្រយុទ្ធ Heung-Min Son ដោយរូបគេយល់ព្រមចូលរួមជាមួយក្លិបលីគកំពូលអាមេរិកហើយ ក្រោយចំណាយពេល១ទសវត្សនៅក្លិបមាន់ខ្នាយមាស ។
កីឡាករ វ័យ ៣៣ ឆ្នាំដែលបានចូលរួមជាមួយ Spurs ក្នុងឆ្នាំ ២០១៥ បានបញ្ជាក់ជាសាធារណៈនូវការសម្រេចចិត្តរបស់គេក្នុងការចាកចេញ។ លក្ខខណ្ឌផ្ទាល់ខ្លួនត្រូវបានយល់ព្រមរួចហើយ ខណៈដែលការពិភាក្សារវាងក្លិបទាំងពីរស្ថិតក្នុងដំណាក់កាលជឿនលឿនមួយ ដោយ Son គ្រោងនឹងចូលលេងរួមជាមួយអតីតមិត្តរួមក្រុម Tottenham Hugo គឺអ្នកចាំទីបារាំង Hugo Lloris នៅអាមេរិកនោះ។
Son បានបញ្ជាក់យ៉ាងដូច្នេះថា “ដប់ឆ្នាំកន្លងមកវាជាក្លិបដ៏ស្រស់ស្អាតមួយដែលមានអ្នកគាំទ្រដ៏ល្អ ជាមួយការចងចាំដ៏អស្ចារ្យបែបនេះ។ វាពិតជាលំបាកណាស់ក្នុងការសម្រេចចិត្ត ប៉ុន្តែ ខ្ញុំត្រូវការបរិយាកាសថ្មីដើម្បីជំរុញចិត្តខ្លួនឯង។ នេះគឺជាពេលវេលាដ៏មានមោទនភាពខ្លាំងណាស់។ ខ្ញុំគ្រាន់តែចង់និយាយអរគុណដល់អ្នកគាំទ្រ Spurs ទាំងអស់ដែលបានផ្តល់ក្តីស្រលាញ់ដល់ខ្ញុំ។”
Heung-Min Son បានក្លាយជាកីឡាករទី៧របស់ក្លិប Tottenham Hotspur ក្រោយបង្ហាញខ្លួនបាន ៤៥៤ ដងស៊ុតបញ្ចូលទីបាន១២៧ប្រកួតនិងជួយអោយក្លិបសម្រេចក្តីសុបិន្តលើកពាន Europa League ជាលើកដំបូង ចាប់តាំងពីឆ្នាំ ២០០៨មក៕
