ត្រៀមពង្រីកវិសាលភាពរៀបចំការប្រកួតបាល់ទាត់វិលជុំកុមារ និងយុវជន AIA – ISF Grand Championship

ឆ្លងកាត់ការប្រកួតជាច្រើនខែ ជាង២០ប្រកួតកន្លងមកនៅទីបំផុតព្រឹត្តិការណ៍ប្រកួតបាល់ទាត់វិលជុំកុមារ និងយុវជន AIA – ISF Grand Championship រកបានក្រុមជើងឯកហើយ ក្រោយប្រកួតស្វិតស្វាញក្នុងព្រឹត្តិការណ៍ប្រកួតបាល់ទាត់វិលជុំកុមារ និង យុវជន AIA – ISF Youth League ប្រចាំរាជធានីភ្នំពេញ ខេត្តកំពង់ធំ និងខេត្តបន្ទាយមានជ័យ ដោយ មានវត្តមានកីឡាករកីឡាការនីសរុបជិត២ពាន់នាក់ ចូលរួម។

បើតាមអ្នកស្រី ជួប វិច្ឆិកា នាយិកាប្រតិបត្តិរបស់អង្គការផ្កាយសមុទ្របានឲ្យដឹងថា នេះជាឆ្នាំទី៩ហើយ ដែលក្រុមហ៊ុនធានារ៉ាប់រងអាយុជីវិត និងសុខ ភាព អេ អាយ អេ ខេមបូឌាបានផ្តល់កិច្ចគាំទ្រក្នុងការរៀបចំព្រឹត្តិការណ៍ប្រកួតបាល់ទាត់វិលជុំកុមារ និង យុវជន AIA – ISF Youth League ដែលជាការប្រកួតបាល់ទាត់ថ្នាក់មូលដ្ឋានដ៏ធំមួយនៅកម្ពុជា ។ ព្រឹត្តិការណ៏នេះមិនត្រឹមតែបង្រៀនពួកគេពីការលេងបាល់ទាត់ប៉ុណ្ណោះទេ តែវាថែមទាំងជួយ ពួកគេអភិវឌ្ឍជំនាញបំណិនជីវិតសំខាន់ៗដូចជា ភាពតស៊ូធន់ទ្រាំ ការធ្វើការងារជាក្រុម និងការតាំង ចិត្តជាដើម ។

ព្រឹត្តិការណ៍ប្រកួតបាល់ទាត់កុមារ និងយុវជន AIA – ISF គឺជាព្រឹត្តិការណ៍ប្រកួតបាល់ទាត់ថ្នាក់ មូលដ្ឋានធំជាងគេបង្អស់មួយនៅក្នុងប្រទេសកម្ពុជា ដែលបានផ្តល់ឱកាសលេងបាល់ទាត់ដល់កុមារ និងយុវជនកម្ពុជាក្រីក្រជាច្រើន ។ ក្នុងនាមជាអង្គការក្រៅរដ្ឋាភិបាលនៅកម្ពុជាមួយដែលប្តេជ្ញាចិត្តជួយ កាត់បន្ថយភាពក្រីក្រ ដោយផ្តល់ឱកាសស្មើគ្នាក្នុងការទទួលបានការអប់រំ សេវាថែទាំសុខភាព និងការ លេងកីឡា អង្គការផ្កាយសមុទ្របានសហការជាមួយនឹងក្រុមហ៊ុនធានារ៉ាប់រងអាយុជីវិត និង សុខភាពឈានមុខគេមួយគឺ អេ អាយ អេ ខេមបូឌា ចាប់តាំងពីឆ្នាំ២០១៧មកម្ល៉េះ ដោយធ្វើការរួមគ្នាជួយឲ្យប្រជាជន កម្ពុជាមានជីវិតល្អប្រសើរប្រកបដោយសុខភាពល្អ និងយូរអង្វែង ។

អ្នកស្រី Jane Tay អគ្គនាយិកាប្រតិបត្តិក្រុមហ៊ុនធានារ៉ាប់រងអាយុជីវិត និងសុខភាព អេ អាយ អេ ខេមបូ ឌាបានបន្ថែមថា៖ “អេ អាយ អេ ខេមបូឌាប្តេជ្ញាចិត្តក្នុងការជួយប្រជាជនកម្ពុជាឲ្យរស់នៅមានសុខភាព និងជីវិតកាន់តែប្រសើរ ។ តាមរយៈកិច្ចសហការរបស់យើងជាមួយនឹងអង្គការផ្កាយសមុទ្រ ពួកយើង បានរួមគ្នានាំយកផលវិជ្ជមានដល់ជីវិតកុមារ និងយុវជនជួបប្រទះការលំបាកជាង ១៦,៨៤៥ នាក់ចាប់ តាំងពីឆ្នាំ២០១៧មក ដោយលើកកម្ពស់ការអប់រំ និងកីឡា ។ ព្រឹត្តិការណ៍ប្រកួតថ្ងៃេនះគឺជាសក្ខីភាព បង្ហាញពីការប្តេជ្ញារបស់យើងចំពោះសុខភាព សុខុមាលភាព និងការអភិវឌ្ឍយុវជន ។ ចំពោះប្អូនៗ កីឡាករកីឡាការនីឆ្នើមៗដែលឈរនៅទីនេះ ខ្ញុំសង្ឃឹមថាអ្នកទាំងអស់គ្នានឹងចាប់យកឱកាសល្អៗ កើតចេញពីការប្រកួតវិលជុំនេះ ដើម្បីពង្រឹងសុខភាព រៀនសូត្រជំនាញបាល់ទាត់ កសាងភាពក្លាហាន និងទំនុកចិត្តផងដែរ ។”

សូមបញ្ជាក់ថា តាមរយៈកិច្ចសហការដ៏ធំរយៈពេល៩ឆ្នាំមួយនេះ ការរៀបចំព្រឹត្តការណ៍ប្រកួតបាល់ទាត់វិលជុំកុមារ និងយុវជន AIA–ISF Youth League មាន កីឡាករកីឡាការនីជាកុមារ និងយុវជនជាង ១៦,៨៤៥ នាក់ មកពី ៨៨៣ក្រុម ក្នុងបណ្តាខេត្តក្រុងចំនួន១០ ទទួលបានឱកាសលេងបាល់ទាត់ ទទួលបានការអប់រំ និងរៀនសូត្រជំនាញបំណិនជីវិតសំខាន់ៗ ក៏ដូចជាយល់ដឹងសារៈសំខាន់នៃសុខភាព និងសុខុមាលភាពទៀតផង ។ អ្វីដែលគួរឲ្យសម្គាល់នោះគឺ កីឡាករចំនួន ៩៧ភាគរយ បានបង្ហាញថាពួកគេមានសុខភាពល្អជាងមុនបន្ទាប់ពីបានចូលរួមលេង បាល់ទាត់ ដែលបង្ហាញពីផលវិជ្ជមានដ៏ធំកើតចេញពីព្រឹត្តិការណ៍ប្រកួតបាល់ទាត់វិលជុំកុមារ និង យុវជន AIA–ISF Youth League ដែលជួយអភិវឌ្ឍយុវជនកម្ពុជា ៕

Featured កីឡាអន្តរជាតិ

អ្នកគាំទ្រ Crystal Palace បាចប្រាក់ក្លែងក្លាយ នៅស្ថាប័ន UEFA ករណីទម្លាក់ក្លិបពី Europa League

July 28, 2025

អ្នកគាំទ្រ Crystal Palace បានបាចប្រាក់ក្លែងក្លាយ នៅស្នាក់ការកណ្តាលរបស់សហព័ន្ធបាល់ទាត់អឺរ៉ុប UEFA ព្រោះខឹងសម្បារការទម្លាក់ក្លិបពួកគេពីពានរង្វាន់ Europa League ។ សេចក្តីសម្រេចរបស់ UEFA ទម្លាក់ក្រុមជើងឯក FA Cup ទៅលីគកម្រិតទី៣ Europa Conference ដោយចោទប្រកាន់ថាក្លិបមានម្ចាស់តែមួយគ្រង់គ្រងជាមួយនឹងក្លិប Olympique Lyonnais។ការតវ៉ាពីសំណាក់អ្នកគាំទ្រ Crystal Palace ទាំងនៅអង់គ្លេស និងជាពិសេសនៅទីស្នាក់ការរបស់ UEFA ស្ថិតក្នុងទីក្រុង Nyon ប្រទេសស្វីស។ ក្រុមអ្នកគាំទ្រ បានយកវ៉ាលីដាក់ប្រាក់ក្លែងក្លាយ ទៅ UEFA បង្ហាញការប្រឆាំងទៅនឹងការសម្រេចចិត្ត និង ចង់មានន័យថា UEFA ស៊ីសំណូក គ្មានតម្លាភាព ហើយបានទាមទារស្វែងរកយុត្តិធម៌មកវិញ។ ក្លិប Crystal Palace បានឈ្នះកៅអី Europa League ឆ្នាំ ២០២៥-២៦ ក្រោយខ្លួនគ្រងជើងឯក FA Cup ប៉ុន្តែត្រូវបានសម្រេចទម្លាក់អោយទៅលេងនៅក្លិបកម្រិតទី៣ របស់អឺរ៉ុបវិញ ។ UEFA […]

កីឡា កីឡាអន្តរជាតិ

កម្ពុជាអាចនឹងត្រូវហាមមិនអោយចូលរួមប្រកួតស៊ីហ្គេមនៅទីក្រុងបាងកក

July 28, 2025

ប្រទេសថៃ ដែលជាម្ចាស់ផ្ទះកីឡាស៊ីហ្គេម ឆ្នាំ២០២៥ កំពុងពិចារណាហាមឃាត់កម្ពុជា មិនអោយចូលរួមព្រឹត្តិការណ៍នេះ ដោយសារបារម្ភពីសុវត្ថិភាពរបស់អត្តពលិកកម្ពុជា ដែលធ្វើដំណើរទៅប្រទេសថៃ ខណៈប្រទេសទាំងពីរនៅតែជាប់គាំងក្នុងការប៉ះទង្គិចគ្នានៅតាមព្រំដែន។ រដ្ឋមន្ត្រីក្រសួងទេសចរណ៍ និងកីឡា លោក Sorawong Thienthong មានប្រសាសន៍ថា អាជ្ញាធរថៃនឹងចាំបាច់ត្រូវពិភាក្សាអំពីការចូលរួមរបស់កម្ពុជានៅក្នុងការប្រកួតដែលគ្រោងធ្វើនៅខែធ្នូនេះ ហើយបានទទួលស្គាល់ថាការធ្វើពហិការមិនអោយអត្តពលិកកម្ពុជាចូលរួម គឺជាលទ្ធភាពមួយ។លោក Sorawong មានប្រសាសន៍ថា “ខ្ញុំព្រួយបារម្ភអំពីអំពើហិង្សាដែលកើនឡើង បន្ទាប់ពីមានការប៉ះទង្គិចគ្នារវាងប្រទេសថៃ និងកម្ពុជា។ វាអាចប៉ះពាល់ដល់តួនាទីរបស់ប្រទេសថៃក្នុងនាមជាម្ចាស់ផ្ទះស៊ីហ្គេម ជាពិសេសទាក់ទងនឹងសុវត្ថិភាពរបស់អត្តពលិកកម្ពុជាក្នុងព្រឹត្តិការណ៍នេះ។” មុនការប៉ះទង្គិចគ្នា នាពេលថ្មីៗនេះ កម្ពុជាបានបញ្ជាក់ពីចេតនាបញ្ជូនអត្តពលិក និងមន្ត្រីចំនួន ១.៥១៥ នាក់ចូលរួមប្រកួត។ ទោះជាយ៉ាងណាចាប់តាំងពីអំពើហិង្សាបានផ្ទុះឡើងមក ភាគីកម្ពុជាមិនមានការបញ្ជាក់បន្ថែមទៀតទេ។ កាលពីខែមិថុនា លោក វ៉ាត់ ចំរើន អគ្គលេខាធិការគណៈកម្មាធិការជាតិអូឡាំពិកកម្ពុជា NOCC បានអះអាងថា ជម្លោះព្រំដែននឹងមិនប៉ះពាល់ដល់ការប្រកួតកីឡាស៊ីហ្គេមលើកទី៣៣នៅទីក្រុងបាងកកនោះទេ។ លោកក៏បានធានាដល់សាធារណជនថា អត្តពលិកកម្ពុជាកំពុងបន្តការត្រៀមខ្លួនតាមការគ្រោងទុក។ទោះយ៉ាងណា ដោយមើលឃើញពីភាពតានតឹងនាពេលនេះ លោករដ្ឋមន្ត្រី Sorawong Thienthong បានព្រមានថា វាមានលទ្ធភាពខ្លាំងដែលកម្ពុជាអាចដកខ្លួន ឬត្រូវបានហាមឃាត់មិនអោយចូលរួមក្នុងស៊ីហ្គេមឆ្នាំ ២០២៥ នៅប្រទេសថៃ៕

Featured

អន្តរជាតិព្រួយបារម្ភព្រឹត្តិកាណ៍កីឡានានាដែលថៃធ្វើជាម្ចាស់ផ្ទះអាចត្រូវលុបចោលចំពេលមានភាពតានតឹងជាមួយកម្ពុជា

July 25, 2025

ការផ្ទុះឡើងភ្លាមៗនៃជម្លោះយោធារវាងប្រទេសថៃ និងកម្ពុជាកំពុងធ្វើអោយមានការព្រួយបារម្ភអំពីសុវត្ថិភាពនៃព្រឹត្តិការណ៍កីឡាអន្តរជាតិជាបន្តបន្ទាប់ដែលគ្រោងនឹងធ្វើឡើងនៅក្នុងប្រទេសថៃ ។ ប្រទេសថៃនឹងធ្វើជាម្ចាស់ផ្ទះព្រឹត្តិការណ៍កីឡានានាដូចជា ការប្រកួតបាល់ទះនារីពិភពលោកឆ្នាំ២០២៥ នៅចុងខែសីហា, តេក្វាន់ដូ Grand Prix នៅខែកញ្ញា និង ស៊ីហ្គេមលើកទី៣៣ ដែលនឹងប្រព្រឹត្តិទៅក្នុងខែធ្នូ រួមទាំងព្រឹត្តិការណ៍ខ្នាតធំជាច្រើនទៀតកំពុងប្រឈមនឹងហានិភ័យនៃការលុបចោល ឬការពន្យារពេល ប្រសិនបើជម្លោះថៃ-កម្ពុជានៅតែបន្តកើនឡើង។ សម្រាប់សហគមន៍កីឡាក្នុងតំបន់ និងពិភពលោក ជម្លោះនេះបាននាំអោយមានការព្រួយបារម្ភជាច្រើន។ ភ្លាមៗបំផុតគឺការប្រកួតបាល់ទះនារីពិភពលោកឆ្នាំ ២០២៥ ដែលប្រព្រឹត្តទៅចាប់ពីថ្ងៃទី ២២ ខែសីហា ដល់ថ្ងៃទី ៧ ខែកញ្ញា ដោយមានទីតាំងចំនួន៤នឹងរៀបចំការប្រកួតដែលមានទីក្រុង បាងកក ភូកេត ឈៀងម៉ៃ និងនគររាជសីម៉ា។ ក្នុងចំណោមនោះ នគររាជសីមា មានចម្ងាយប្រហែល ១៨០ គីឡូម៉ែត្រពីព្រំដែនកម្ពុជា ដែលចាត់ទុកជាតំបន់រសើបក្នុងបរិបទនៃជម្លោះកាន់តែខ្លាំង។ ការប្រកួតវគ្គចែកពូល និងជុំទីពីរនៃពូល C និង D នឹងធ្វើឡើងនៅទីនេះ ដោយប្រមូលផ្តុំក្រុមខ្លាំងៗជាច្រើនដូចជា អាមេរិក សែប ប៉ូឡូញ និង ចិន។ មិនយូរប៉ុន្មានបន្ទាប់ពីការប្រកួតបាល់ទះ ប្រទេសថៃក៏បានរៀបចំការប្រកួតកីឡាតេក្វាន់ដូ Grand Prix ចាប់ពីថ្ងៃទី […]