ការហាត់និងលេងកីឡាជាកត្តាចាំបាច់ ដែលនាំមកនូវការស្គាល់គ្នា ការយល់គ្នា និងការស្រឡាញ់គ្នាទៅវិញទៅមក ធ្វើឲ្យសង្គមជាតិមានការឯកភាព និងសាមគ្គីភាពដ៍រឹងមាំក្នុងការកសាង និង ការពារជាតិយើង។ នេះជាការលើកឡើងរបស់លោក អ៊ុក ចន្ថា អនុប្រធានមន្ទីអប់រំយុវជននិងកីឡា រាជធានីភ្នំពេញ ក្នុងឧកាសបិទបញ្ចប់ការប្រកួតកីឡាប្រដាល់ សកល និង ប្រដាល់គុនខ្មែរអាយុក្រោម១៨ឆ្នាំ ជើងឯករាជធានីភ្នំពេញ កាលពីថ្ងៃចុងសប្តាហ៍នេះ។
លោកបន្តថាព្រឹត្តការណ៍នេះដើម្បីចូលរួមអភិវឌ្ឍន៍វិស័កីឡា ស្របតាមយុត្តសាស្រ្តរាជរដ្ឋាភិបាលដែលកំពុងឈានទៅរកកម្រិតមួយ ឲ្យស្របនិងកីឡាវិវឌ្ឍន៍ និងការរីកចម្រើនរបស់ប្រទេសជាតិ។ដោយឡែកកីឡាប្រដាល់នេះ ជាកីឡាដែលយុវជន និងមហាជនចូលចិត្តទស្សនា ជាពិសេសកម្មវិធីប្រដាល់គុនខ្មែរនៅតាមប៉ុស្តិទូរទស្សន៍ រាល់សប្តាហ៍ធ្វើឲ្យកីឡាករ បានខិតខំបញ្ចេញអស់សមត្ថភាព និងប្រឹងប្រែងហ្វឹកហាត់បន្ថែម ដើម្បីសម្រេចគោលដៅរបស់ខ្លួន។
អនុប្រធានមន្ទីរាជធានីភ្នំពេញដដែលបានថ្លែងនូវការកោតសរសើរដល់ប្រធានប្រតិភូដឹកនាំក្លឹប ដែលបានខិតខំកសាងនិង បង្កើតក្លឹប ចូលរួមការប្រកួតនាពេលនេះ បង្ហាញឲ្យឃើញកាយវិការ ការចូលរួមអភិវឌ្ឍន៍វិស័យកីឡាប្រដាល់ និង ជម្រុញដល់យុវជន មហាជន ឲ្យចូលរួមហ្វឹកហាត់ និងលេងកីឡាប្រភេទនេះដែលពួកគេចូលចិត្ត និងចូលរួមកាត់បន្ថយនូវអំពើរឧបាយមុខផ្សេងៗក្នុងសង្គម។
សូមរំលឹកផងដែរថាការប្រកួតកីឡាប្រដាល់ សកល និងគុនខ្មែរជ្រើសរើសជើងឯករាជធានីភ្នំពេញ ប្រចាំឆ្នាំ២០២៥ ដែលរៀបចំដោយមន្ទីរអប់រំកាយ និងកីឡាភ្នំពេញ រៀបចំរយៈពេល៤ថ្ងៃ ដោយមានការចូលរួមចំនួន ១១ ក្លឹប និងវិញ្ញាសាប្រកួតចំនួន១៣ ប្រភេទទម្ងន់ ក្នុងនោះប្រដាល់សកលមានចំនួន៧ប្រភេទទម្ងន់ និងមានប្រតិភូ គ្រូបង្វឹក កីឡាករកីឡាការិនី ចូលរួមសរុប ១៥០នាក់ ក្នុងនោះ នារីមានចំនួន៤០នាក់ ។
ក្លឹបដែលបានចូលរួមទាំងនោះរូមមាន៖ តាឡីដំរីមានរឹទ្ធិ , វិបុលដារឹទ្ធិ , កុមារទេព , សែនសុខ , ព្រែកឯង ,សុភានូ , យុវជន , ពន្លឺថ្មី, នាគរាជ ,សេនប៊ុនថេនប៉ែនកាក់គុនខ្មែរ និង ក្លឹបគុជសីហ៍។ឆ្លងកាត់ការប្រកួតយ៉ាងស្វិតស្វាញនេះ ក៍បានរកឃើញជើងខ្លាំងទាំងបុរស នារី លើពីប្រភេទកីឡា គឺគុនខ្មែរ និង ប្រដាល់សកលទាំង១៣ប្រភេទទម្ងន់នេះផងដែរ៕
