លោក Florentino Perez ប្រធានក្លិប Real Madrid ចង់ចុះកិច្ចសន្យានាំយកខ្សែប្រយុទ្ធ Erling Haaland ពី Man City មកជំនួសខ្សែប្រយុទ្ធស្លាប Vinicius Junior។
កាលពីឆ្នាំ ២០២៣ Vinicius Junior ធ្លាប់ត្រូវបានដឹងថា រូបគេបានជួបចរចាជាមួយតំណាងក្លិបមកពីលីគ អារ៉ាប៊ីសាអ៊ូឌីត ។ ការចរចានោះមិនមានផ្លែផ្កាអ្វីទេ ប៉ុន្តែនៅឆ្នាំ ២០២៥ ក្លិបនៅអារ៉ាប៊ីសាអូឌីត នៅតែចាប់អារម្មណ៍លើកីឡាករប្រេស៊ីល ដដែល ដោយទាំងហ៊ានផ្តល់ប្រាក់ឈ្នួលរហូតដល់ទៅ ១.១៥ ពាន់លានដុល្លារ ក្នុងកិច្ចសន្យារយៈពេល ៥ ឆ្នាំ ។
ថ្មីៗនេះ កីឡាករវ័យ ២៥ ឆ្នាំ បានទទូចសុំក្លិប Real Madrid តម្លើងប្រាក់ឈ្នួលលើ Kylian Mbappe ហើយបញ្ហានេះ ធ្វើអោយមានការរំពឹងថា កិច្ចសន្យាថ្មីរវាង ជាមួយ Real Madrid ទំនងជាមិនអាចបន្តបាននោះទេ។
ចំពេលមានភាពមិនច្បាស់លាស់បែបនេះ ប្រធានក្លិបលោក Perez បានសម្លឹងឃើញ Haaland ដើម្បីមកជំនួស Vinicius Junior ប្រសិនបើគេនឹងចាកចេញពិតមែន។
លោក Florentino Perez មានគោលបំណងចង់អោយ Haaland ក្លាយជាដៃគូប្រយុទ្ធដ៏គ្រោះថ្នាក់បំផុតជាមួយ Mbappe នៅ Real Madrid ៕
