ត្រៀមកីឡាយុទ្ធគុនចម្រុះខ្មែរបុរាណ “ពានរង្វាន់របស់សម្តេចធិបតី”ដោយបើកទូលាយ ក្រោយសម្តេចធិបតីឯកភាព

ព្រឹត្តការណ៍ប្រកួតយុទ្ធគុនចម្រុះជ្រើសរើសជើងឯកអាស៊ី លើកទី២ដែលកម្ពុជាទទួលធ្វើជាម្ចាស់ផ្ទះ បានធ្វើបិធីបើកជាផ្លូវការហើយកាលពីល្ងាចថ្ងៃទី១១កក្កដាឆ្នាំ២០២៤ នាវិមាននៃពហុកីឡដ្ឋានជាតិ ក្រោមអធិបតីភាពដ៍ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ។

មានប្រសាសន៍ស្វាគមន៍យ៉ាងកក់ក្តៅចំពោះប្រតិភូកីឡាយុទ្ធគុនចម្រុះទាំង ១៨ ប្រទេសនិងតំបន់ ដែលបានចូលរួម សម្តេចធិបតីនាយករដ្ឋមន្ត្រី ហ៊ុន ម៉ាណែត បានគូសបញ្ជាក់ថា វិស័យកីឡាមានការរីកចម្រើនគួរឱ្យកត់សម្គាល់ និង បានដើរតួនាទីយ៉ាងសំខាន់ ទាំងនៅកម្ពុជា និង សកលលោក ដោយកីឡាទទួលបាននូវការចាប់អារម្មណ៍ និងគាំទ្រ កាន់តែច្រើនពីសំណាក់មហាជន គ្រប់ស្រទាប់វណ្ណៈ ដោយមិនគិតពីពណ៌សម្បុរ ឬនិន្នាការនយោបាយឡើយ ។

ក្នុងន័យនេះ រាជរដ្ឋាភិបាលកម្ពុជា បាន និង កំពុងយកចិត្តទុកដាក់ខ្ពស់ លើការអភិវឌ្ឍវិស័យកីឡា ដើម្បីបង្កលក្ខណៈល្អប្រសើរ សម្រាប់បងប្អូនប្រជាពលរដ្ឋទូទៅ ក្នុងការលេងកម្សាន្ត និងពង្រឹងសមត្ថភាពកីឡាករ កីឡាការិនី ឱ្យកាន់តែខ្លាំងពូកែ ក្នុងការប្រកួតដណ្តើមយកជ័យជម្នះ ក្នុងព្រឹត្តិការណ៍កីឡាធំៗ ។ ជាក់ស្តែង ការប្រកួតយុទ្ធគុនចម្រុះ (Mix Martial Arts-MMA) នេះ បានបើកទ្វារចំហ សម្រាប់អ្នកហាត់ក្បាច់គុន ឬកីឡាប្រយុទ្ធគ្រប់ប្រភេទ គ្រប់ទម្រង់ ដូចជា កីឡា Jujitsu, Judo, Wrestling, Boxing, Kickboxing, Karate, Taekwondo អាចចូលរួមប្រកួតបាន ។

ក្នុងឱកាសនោះ សម្តេចធិបតី បានប្រកាសថា សម្តេច បានផ្តល់ជាគោលការណ៍ឱ្យមានការរៀបចំព្រឹត្តិការណ៍ប្រកួតកីឡាយុទ្ធគុនចម្រុះខ្មែរបុរាណ “ពានរង្វាន់របស់សម្តេចធិបតី” ដោយបើកចំហទូលំទូលាយ ដល់អ្នកហាត់គុនខ្មែរបុរាណគ្រប់ប្រភេទ គ្រប់ទម្រង់ គ្រប់ក្បាច់គុន និងគ្រប់ទិសទី ទាំងសញ្ជាតិខ្មែរ និងបរទេស អាចចូលរួមប្រកួតបានទាំងអស់គ្នា ។ ទន្ទឹមនេះ សម្តេចមហាបវរធិបតី ក៏បានណែនាំឱ្យរៀបចំបង្កើតក្រុមជំនុំសិក្សាស្រាវជ្រាវចងក្រងគម្ពីរយុទ្ធគុនខ្មែរបុរាណ ដើម្បីឲ្យកូនខ្មែរជំនាន់ក្រោយ ក៏ដូចជាជនជាតិបរទេស បានឃើញនិងបានស្គាល់ ហើយនេះក៏ជាការរួមចំណែកមួយយ៉ាងសំខាន់ ក្នុងការថែរក្សា និងអភិរក្ស ក្បាច់គុនបុរាណខ្មែរ ផងដែរ ។

សូមបញ្ជាក់ថា ព្រឹត្តការណ៍ប្រកួតយុទ្ធគុនចម្រុះជ្រើសរើសជើងឯកអាស៊ី លើកទី២ដែលកម្ពុជាទទួលធ្វើជាម្ចាស់ផ្ទះនេះ មានរយៈពេល៣ថ្ងៃ គិតចាប់ពីថ្ងៃទី១១ ដល់១៣កក្កដាឆ្នាំ២០២៤ ដោយមាន១៥ប្រទេសចូលរួម និង៣តំបន់ ក្នុងនោះប្រទេស ដែលបញ្ជូនអត្តពលិកចូលរួមសរុប ១២ប្រទេស រួមមាន៖ ម្ចាស់ផ្ទះកម្ពុជា, ឥណ្ឌា, ឥណ្ឌូណេស៊ី, កាហ្សាក់ស្ថាន, កៀហ្ស៊ីស៊ីស្ថាន, តាជីគីស្ថាន, សារណរដ្ឋកូរ៉េ, ម៉ាឡេស៊ី, ម៉ុងហ្គោលី, ថៃ, ហ្វីលីពីន និងសិង្ហបុរី ព្រមទាំង៣តំបន់ គឺចិនហុងកុង, ចិនតៃប៉ិ និងចិនម៉ាកាវ។ ៣ប្រទេស ដែលបញ្ជូនតែប្រតិភូកីឡា មិនមានអត្តពលិក ដូចជា សាធារណរដ្ឋប្រជាមានិតចិន បារ៉ែន និងអារ៉ាប៊ីសាអ៊ូឌី។

ចំពោះអត្តពលិកម្ចាស់ផ្ទះកម្ពុជាទាំង១២នាក់ រួមមាន៖ ទួន ស្រីភីន, នៅ ស្រីពៅ, អ៊ុំ ថារ័ត្ន, ផេង សុបញ្ញា (គោរមៈ ចន្ទរាជ), ហ៊ុន គឹមហៀង, Thiago Teixeira (សែន ច័ន្ទឫទ្ធិគុន), មាស ម៉ើ, ខៀវ ចិន្ដារ័ត្ន, ធាន អាត (ចាន់ សំអាត), រិន សារ័ត្ន, ឡុង ឡា និងគន្ធ វណ្ណនីតា។ ចំពោះកីឡាការិនី ខៀវ ចិន្ដារ័ត្ន ត្រូវប្រកួតវគ្គផ្ដាច់ព្រ័ត្រដណ្ដើមមេដាយមាសជាមួយកីឡាការិនីឥណ្ឌូណេស៊ី Puspitasari Nurdiana លើវិញ្ញាសាប្រពៃណីផ្នែកនារី ទម្ងន់-៤៩គីឡូក្រាម។ ចំណែកកីឡាការិនី គន្ធ វណ្ណនីតា នឹងត្រូវប្រកួតដណ្តើមមេដាយមាស ជាមួយកីឡាការិនីម៉ាឡេស៊ី Sze Teng Pang លើវិញ្ញាសាប្រពៃណីផ្នែកនារី ទម្ងន់-៦៩គីឡូក្រាមផងដែរ។ ការប្រកួតថ្ងៃទីពីរនេះនឹងចាប់ផ្ដើមពីម៉ោង២រសៀលតទៅ។ចំពោះអត្តពលិក ដែលទទួលបានចំណាត់ថ្នាក់ពីលេខ១ ដល់លេខ៨ នឹងទទួលបានសិទ្ធិចូលរួមការប្រកួត Asian Indoor and Martial Arts Games នាខែវិច្ឆិកា ឆ្នាំ២០២៤នេះ នៅប្រទេសថៃផងដែរ៕

Featured កីឡា កីឡាជាតិ

គ្រូបង្វឹកជម្រើសជាតិ និងមន្ត្រីសហព័ន្ធកីឡាជាតិ ស្វែងយល់ពីផលវិបាកនៃការប្រើប្រាស់សារធាតុ ដូពីង

March 11, 2025

វគ្គបណ្តុះបណ្តាលស្តីពីការប្រឆាំងសារធាតុ ដូប៉ា ក្នុងវិស័យកីឡា ត្រូវបានធ្វើឡើងជូនដល់គ្រូបង្វឹកជម្រើសជាតិ និងមន្ត្រីសហព័ន្ធកីឡាជាតិ នៅព្រឹកថ្ងៃទី១០ ខែមីនា ឆ្នាំ២០២៥ នៅមជ្ឈមណ្ឌលជាតិហ្វឹកហ្វឺនកីឡា ក្នុងគោលបំណងផ្តល់ចំណេះដឹងអំពីផលវិបាកនៃការប្រើប្រាស់ដូពីង។ វគ្គនេះធ្វើឡើងក្រោមអធិបតី លោកជំទាវ គឹម សេដ្ឋានី រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។ មានប្រសាសន៍ក្នុងពិធីបើក លោកជំទាវ រដ្ឋលេខាធិការ បានវាយតម្លៃខ្ពស់ដល់ថ្នាក់ដឹកនាំ មន្ត្រីទីភ្នាក់ងារកម្ពុជាប្រឆាំងដូប៉ាទាំងអស់ ដែលខិតខំប្រឹងប្រែងអស់ពីកម្លាំងកាយចិត្តអនុវត្តភារកិច្ចបានល្អប្រសើរ និងខ្នះខ្នែងពុះពារដោះស្រាយបញ្ហា ព្រមទាំងសម្របសម្រួលកិច្ចការនានាទាំងក្នុងនិងក្រៅប្រទេសបានជោគជ័យ។ លោកជំទាវក៏បានលើកទឹកចិត្តដល់សិក្ខាកាមទាំងអស់គប្បីខិតខំយកចិត្តទុកដាក់ស្តាប់ការពន្យល់ណែនាំរបស់គ្រូឧទ្ទេស បើមានចម្ងល់ត្រូវហ៊ានសួរ ឬស្នើសុំឱ្យគាត់បញ្ជាក់ឡើងវិញ ជាពិសេសយកចំណេះដឹង ដែលទទួលបានពីវគ្គបណ្តុះបណ្តាលនេះទៅចែករំលែកបន្តដល់មិត្តរួមអាជីព អត្តពលិក ព្រមទាំងមន្ត្រីនៅក្នុងសហព័ន្ធរបស់ខ្លួន ព្រោះយើងមិនអាចធ្វើការបណ្តុះបណ្តាលបានគ្រប់ទាំងអស់គ្នាក្នុងរយៈពេលខ្លីនេះបានទេ បើអ្នកបានចូលសិក្សាមិនចែករំលែកបន្ត គឺយើងមិនអាចអនុវត្តបានជោគជ័យទាំងអស់គ្នាឡើយ។ជាមួយគ្នានេះ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យក៏បានផ្តល់គន្លឹះ៣ចំណុចសំខាន់ៗផងដែរ ។ សូមបញ្ជាក់ថា វគ្គបណ្តុះបណ្តាលស្តីពីការប្រឆាំងសារធាតុដូប៉ាក្នុងវិស័យកីឡារៀបចំឡើងរយៈពេល៥ថ្ងៃ ចាប់ពីថ្ងៃទី១០ដល់ថ្ងៃទី១៤ ខែមីនា ឆ្នាំ២០២៥ មានសិក្ខាកាមចូលរួមសរុបចំនួន៧៥នាក់ ជាគ្រូបង្វឹក មន្ត្រីកីឡា និងតំណាងសហព័ន្ធកីឡាជាតិគោលដៅចំនួន៣៧នាក់។ វគ្គនេះមានគោលបំណងដើម្បីផ្តល់ចំណេះដឹងអំពីផលវិបាកនៃការប្រើប្រាស់ដូពីង និងការពិន័យទោសទណ្ឌដែលកើតឡើងក្រោយការរកឃើញថាមានការរំលោភលើវិធានប្រឆាំងដូពីង ជាពិសេសសិក្ខាកាមអាចបន្តចែករំលែកពីអ្វីដែលទទួលបានក្នុងវគ្គបណ្តុះបណ្តាល ដូចជាការបញ្ចូលទិន្នន័យរបស់អត្តពលិកនៅក្នុងប្រព័ន្ធ៕

Featured កីឡា កីឡាជាតិ

សហព័ន្ធប្រដាល់សកលកម្ពុជា៖ ផ្លាស់ប្ដូរប្រធានសហព័ន្ធដឹកនាំថ្មី អាណត្តិទី៨ ឆ្នាំ២០២៥ ដល់ ២០២៩

March 2, 2025

សហព័ន្ធប្រដាល់សកលកម្ពុជា បានធ្វើមហាសន្និបាតបញ្ចប់អាណត្តិទី៧ និងបោះឆ្នោតជ្រើសរើសថ្នាក់ដឹកនាំថ្មី បន្តដឹកនាំអាណត្តិថ្មី ខណៈឯកឧត្ដម ប៊ុយ សុភ័ណ្ឌ ជាប់ឆ្នោតក្លាយជាប្រធានសហព័ន្ធផងដែរកាលពីថ្ងៃទី២៨ ខែកុម្ភៈ ឆ្នាំ២០២៥ ។ ឯកឧត្តម ប៊ុយ សុភ័ណ្ឌ ប្រធានសហព័ន្ធប្រដាល់សកលកម្ពុជាបានលើកឡើងថា សហព័ន្ធបានដាក់ចេញនូវទិសដៅការងារ និងគោលដៅយុទ្ធសាស្ត្រសំខាន់ៗ សម្រាប់អាណត្តិទី៨ ឆ្នាំ២០២៥-២០២៩ ដូចជា រៀបចំផែនការយុទ្ធសាស្ត្រ ២០២៥-២០២៩ ដោយកំណត់បេសកកម្ម គោលដៅយុទ្ធសាស្ត្រ និងសូចនាករ វាស់វែងច្បាស់លាស់ ជាមួយយន្តការអនុវត្ត ត្រួតពិនិត្យ និងវាយតម្លៃ និងធានាប្រភពធនធានសមស្រប។ ពង្រឹងយន្តការរដ្ឋបាល និងគ្រប់គ្រង ដើម្បីធានាប្រសិទ្ធភាពការងារ។ ដឹកនាំស្វែងរកដៃគូរៀបចំការប្រកួតតាមរាជធានី ខេត្ត និងការបង្កើតការប្រកួតកម្រិតផ្ទាល់។ អភិវឌ្ឍធនធានមនុស្សសហព័ន្ធតាមរយៈការរៀបចំកម្មវិធីបណ្តុះបណ្តាលកម្រិតថ្នាក់ជាតិ អន្តរជាតិសម្រាប់ គ្រូបង្វឹក អាជ្ញាកណ្ដាល ចៅក្រម និងមន្ត្រីបច្ចេកទេស។ អភិវឌ្ឍគុណវុឌ្ឍកីឡាកម្រិតខ្ពស់ (High-Performance) ក្នុងក្រុមជម្រើសជាតិ តាមរយៈការពង្រឹងកម្មវិធី ហ្វឹកហាត់ស្របតាមស្តង់ដាអន្តរជាតិ បង្កើនកម្មវិធីបោះជំរុំហ្វឹកហាត់។ បង្កើតបណ្ឌិតសភាប្រដាល់សកល “Boxing Academy” និងអភិវឌ្ឍកម្មវិធីជ្រើសរើសអត្តពលិកឆ្នើម (Talent Identification Program) […]

Featured កីឡា កីឡាជាតិ

តំណាងទូរទស្សន៍ថោន៖ កម្មវិធីប្រកួតសម្រាប់ថ្នាលមានហើយចាំមើលមានអ្នកគាំទ្រទេ…

February 28, 2025

តំណាងស្ថានីយទូរទស្សន៍ថោន (TOWN) បានបញ្ជាក់ថា តបតាមសំណូមពរមួយចំនួនចង់ឲ្យមានការប្រកួតថ្នាលដើម្បីបន្តវេនកីឡាករចាស់ៗ ឥលូវនេះខាងលោក និងម្ចាស់ឧបត្ថម្ភ DRAGON បង្កើតហើយនៅសប្ដាហ៍នេះចាំមើលមានអ្នកគាំទ្រទេ ឬថាបានតែមាត់។ ឯកឧត្ដម ហាក់ សុខហេង នាយកគ្រប់គ្រងការផ្សាយរបស់ស្ថានីយទូរទស្សន៍ថោន (TOWN)បានឲ្យដឹងថា កន្លងទៅមានអ្នកគាំទ្រមួយចំនួនបានសំណូមពរដល់ខាងស្ថានីយឲ្យបង្កើតការប្រកួតថ្នាលដើម្បីត្រៀមស្នងកីឡាករចាស់ៗនាពេលបច្ចុប្បន្ននេះ។ ព្រោះឃើញភាគច្រើនមានតែកម្មវិធីសម្រាប់កីឡាករឈុតធំៗ។ ឯកឧត្ដមលើកឡើងចំៗទៅកាន់អ្នកគាំទ្រថា ឥលូវនេះខាងស្ថានីយបានបំពេញបំណង Fan ហើយ ដូច្នេះចាំមើលមានអ្នកទៅទស្សនា ឬគាំទ្រតាមការ Live ទេ។ កុំនិយាយបានតែមាត់ សំណូមពរឲ្យមានហើយ ប៉ុន្តែខ្លះមិនគាំទ្រ និងជួយលើកស្ទួយឲ្យសោះ។ នាយកគ្រប់គ្រងការផ្សាយបន្ថែមទៀតថា ដើម្បីឲ្យកីឡាករ កីឡាការិនី គុនខ្មែរមានចំនួនកាត់តែច្រើន និងសំបូរកម្មវិធីថ្នាល លុះត្រាតែអ្នកគាំទ្រងាកមកជួយគាំទ្រ ជួយលើកស្ទួយទាំងអស់គ្នា ដូចការប្រកួតឈុតធំដែរទើបកម្មវិធីសម្រាប់ថ្នាលទាំងនោះអាចបន្តដំណើរទៅមុខបានទៀត។ ឯកឧត្ដមសូមថ្លែងអំណរគុណដល់ DRAGON Beer ដែលបានឧបត្ថម្ភគាំទ្រឲ្យបង្កើតកម្មវិធីប្រដាល់ថ្នាល Dragon Kunkhmer ចាប់ពីថ្ងៃទី១ ខែមីនា ឆ្នាំ២០២៥ នេះតទៅ ដែលនេះជាការផ្ដល់ឱកាសដល់យុវជនក្មេងៗបានបញ្ចេញសមត្ថភាព សន្សំបទពិសោធ ឆ្ពោះទៅបន្តវេនរៀមច្បងនៅថ្ងៃខាងមុខ។ បញ្ជាក់ដែរថា ស្ថានីយទូរទស្សន៍ថោន (TOWN) រួមជាមួយសហព័ន្ធប្រដាល់គុនខ្មែរ និងម្ចាស់ឧបត្ថម្ភ Dragon […]

ត្រៀមកីឡាយុទ្ធគុនចម្រុះខ្មែរបុរាណ “ពានរង្វាន់របស់សម្តេចធិបតី”ដោយបើកទូលាយ ក្រោយសម្តេចធិបតីឯកភាព

គ្រូបង្វឹកជម្រើសជាតិ និងមន្ត្រីសហព័ន្ធកីឡាជាតិ ស្វែងយល់ពីផលវិបាកនៃការប្រើប្រាស់សារធាតុ ដូពីង

តំណាង​ទូរទស្សន៍​ថោន៖ កម្មវិធី​ប្រកួត​សម្រាប់​ថ្នាល​មាន​ហើយ​ចាំ​មើល​មាន​អ្នក​គាំទ្រ​ទេ…

តំណាងទូរទស្សន៍ថោន៖ កម្មវិធីប្រកួតសម្រាប់ថ្នាលមានហើយចាំមើលមានអ្នកគាំទ្រទេ…