កីឡាជាតិ
គ្រូបង្វឹកជម្រើសជាតិ និងមន្ត្រីសហព័ន្ធកីឡាជាតិ ស្វែងយល់ពីផលវិបាកនៃការប្រើប្រាស់សារធាតុ ដូពីង
វគ្គបណ្តុះបណ្តាលស្តីពីការប្រឆាំងសារធាតុ ដូប៉ា ក្នុងវិស័យកីឡា ត្រូវបានធ្វើឡើងជូនដល់គ្រូបង្វឹកជម្រើសជាតិ និងមន្ត្រីសហព័ន្ធកីឡាជាតិ នៅព្រឹកថ្ងៃទី១០ ខែមីនា ឆ្នាំ២០២៥ នៅមជ្ឈមណ្ឌលជាតិហ្វឹកហ្វឺនកីឡា ក្នុងគោលបំណងផ្តល់ចំណេះដឹងអំពីផលវិបាកនៃការប្រើប្រាស់ដូពីង។ វគ្គនេះធ្វើឡើងក្រោមអធិបតី លោកជំទាវ គឹម សេដ្ឋានី រដ្ឋលេខាធិការប្រចាំការ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហង់ជួន ណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា។ មានប្រសាសន៍ក្នុងពិធីបើក លោកជំទាវ រដ្ឋលេខាធិការ បានវាយតម្លៃខ្ពស់ដល់ថ្នាក់ដឹកនាំ មន្ត្រីទីភ្នាក់ងារកម្ពុជាប្រឆាំងដូប៉ាទាំងអស់ ដែលខិតខំប្រឹងប្រែងអស់ពីកម្លាំងកាយចិត្តអនុវត្តភារកិច្ចបានល្អប្រសើរ និងខ្នះខ្នែងពុះពារដោះស្រាយបញ្ហា ព្រមទាំងសម្របសម្រួលកិច្ចការនានាទាំងក្នុងនិងក្រៅប្រទេសបានជោគជ័យ។ លោកជំទាវក៏បានលើកទឹកចិត្តដល់សិក្ខាកាមទាំងអស់គប្បីខិតខំយកចិត្តទុកដាក់ស្តាប់ការពន្យល់ណែនាំរបស់គ្រូឧទ្ទេស បើមានចម្ងល់ត្រូវហ៊ានសួរ ឬស្នើសុំឱ្យគាត់បញ្ជាក់ឡើងវិញ ជាពិសេសយកចំណេះដឹង ដែលទទួលបានពីវគ្គបណ្តុះបណ្តាលនេះទៅចែករំលែកបន្តដល់មិត្តរួមអាជីព អត្តពលិក ព្រមទាំងមន្ត្រីនៅក្នុងសហព័ន្ធរបស់ខ្លួន ព្រោះយើងមិនអាចធ្វើការបណ្តុះបណ្តាលបានគ្រប់ទាំងអស់គ្នាក្នុងរយៈពេលខ្លីនេះបានទេ បើអ្នកបានចូលសិក្សាមិនចែករំលែកបន្ត គឺយើងមិនអាចអនុវត្តបានជោគជ័យទាំងអស់គ្នាឡើយ។ជាមួយគ្នានេះ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យក៏បានផ្តល់គន្លឹះ៣ចំណុចសំខាន់ៗផងដែរ ។ សូមបញ្ជាក់ថា វគ្គបណ្តុះបណ្តាលស្តីពីការប្រឆាំងសារធាតុដូប៉ាក្នុងវិស័យកីឡារៀបចំឡើងរយៈពេល៥ថ្ងៃ ចាប់ពីថ្ងៃទី១០ដល់ថ្ងៃទី១៤ ខែមីនា ឆ្នាំ២០២៥ មានសិក្ខាកាមចូលរួមសរុបចំនួន៧៥នាក់ ជាគ្រូបង្វឹក មន្ត្រីកីឡា និងតំណាងសហព័ន្ធកីឡាជាតិគោលដៅចំនួន៣៧នាក់។ វគ្គនេះមានគោលបំណងដើម្បីផ្តល់ចំណេះដឹងអំពីផលវិបាកនៃការប្រើប្រាស់ដូពីង និងការពិន័យទោសទណ្ឌដែលកើតឡើងក្រោយការរកឃើញថាមានការរំលោភលើវិធានប្រឆាំងដូពីង ជាពិសេសសិក្ខាកាមអាចបន្តចែករំលែកពីអ្វីដែលទទួលបានក្នុងវគ្គបណ្តុះបណ្តាល ដូចជាការបញ្ចូលទិន្នន័យរបស់អត្តពលិកនៅក្នុងប្រព័ន្ធ៕
Read More
សហព័ន្ធប្រដាល់សកលកម្ពុជា៖ ផ្លាស់ប្ដូរប្រធានសហព័ន្ធដឹកនាំថ្មី អាណត្តិទី៨ ឆ្នាំ២០២៥ ដល់ ២០២៩
សហព័ន្ធប្រដាល់សកលកម្ពុជា បានធ្វើមហាសន្និបាតបញ្ចប់អាណត្តិទី៧ និងបោះឆ្នោតជ្រើសរើសថ្នាក់ដឹកនាំថ្មី បន្តដឹកនាំអាណត្តិថ្មី ខណៈឯកឧត្ដម ប៊ុយ សុភ័ណ្ឌ ជាប់ឆ្នោតក្លាយជាប្រធានសហព័ន្ធផងដែរកាលពីថ្ងៃទី២៨ ខែកុម្ភៈ ឆ្នាំ២០២៥ ។ ឯកឧត្តម ប៊ុយ សុភ័ណ្ឌ ប្រធានសហព័ន្ធប្រដាល់សកលកម្ពុជាបានលើកឡើងថា សហព័ន្ធបានដាក់ចេញនូវទិសដៅការងារ និងគោលដៅយុទ្ធសាស្ត្រសំខាន់ៗ សម្រាប់អាណត្តិទី៨ ឆ្នាំ២០២៥-២០២៩ ដូចជា រៀបចំផែនការយុទ្ធសាស្ត្រ ២០២៥-២០២៩ ដោយកំណត់បេសកកម្ម គោលដៅយុទ្ធសាស្ត្រ និងសូចនាករ វាស់វែងច្បាស់លាស់ ជាមួយយន្តការអនុវត្ត ត្រួតពិនិត្យ និងវាយតម្លៃ និងធានាប្រភពធនធានសមស្រប។ ពង្រឹងយន្តការរដ្ឋបាល និងគ្រប់គ្រង ដើម្បីធានាប្រសិទ្ធភាពការងារ។ ដឹកនាំស្វែងរកដៃគូរៀបចំការប្រកួតតាមរាជធានី ខេត្ត និងការបង្កើតការប្រកួតកម្រិតផ្ទាល់។ អភិវឌ្ឍធនធានមនុស្សសហព័ន្ធតាមរយៈការរៀបចំកម្មវិធីបណ្តុះបណ្តាលកម្រិតថ្នាក់ជាតិ អន្តរជាតិសម្រាប់ គ្រូបង្វឹក អាជ្ញាកណ្ដាល ចៅក្រម និងមន្ត្រីបច្ចេកទេស។ អភិវឌ្ឍគុណវុឌ្ឍកីឡាកម្រិតខ្ពស់ (High-Performance) ក្នុងក្រុមជម្រើសជាតិ តាមរយៈការពង្រឹងកម្មវិធី ហ្វឹកហាត់ស្របតាមស្តង់ដាអន្តរជាតិ បង្កើនកម្មវិធីបោះជំរុំហ្វឹកហាត់។ បង្កើតបណ្ឌិតសភាប្រដាល់សកល “Boxing Academy” និងអភិវឌ្ឍកម្មវិធីជ្រើសរើសអត្តពលិកឆ្នើម (Talent Identification Program) […]
Read More
តំណាងទូរទស្សន៍ថោន៖ កម្មវិធីប្រកួតសម្រាប់ថ្នាលមានហើយចាំមើលមានអ្នកគាំទ្រទេ…
តំណាងស្ថានីយទូរទស្សន៍ថោន (TOWN) បានបញ្ជាក់ថា តបតាមសំណូមពរមួយចំនួនចង់ឲ្យមានការប្រកួតថ្នាលដើម្បីបន្តវេនកីឡាករចាស់ៗ ឥលូវនេះខាងលោក និងម្ចាស់ឧបត្ថម្ភ DRAGON បង្កើតហើយនៅសប្ដាហ៍នេះចាំមើលមានអ្នកគាំទ្រទេ ឬថាបានតែមាត់។ ឯកឧត្ដម ហាក់ សុខហេង នាយកគ្រប់គ្រងការផ្សាយរបស់ស្ថានីយទូរទស្សន៍ថោន (TOWN)បានឲ្យដឹងថា កន្លងទៅមានអ្នកគាំទ្រមួយចំនួនបានសំណូមពរដល់ខាងស្ថានីយឲ្យបង្កើតការប្រកួតថ្នាលដើម្បីត្រៀមស្នងកីឡាករចាស់ៗនាពេលបច្ចុប្បន្ននេះ។ ព្រោះឃើញភាគច្រើនមានតែកម្មវិធីសម្រាប់កីឡាករឈុតធំៗ។ ឯកឧត្ដមលើកឡើងចំៗទៅកាន់អ្នកគាំទ្រថា ឥលូវនេះខាងស្ថានីយបានបំពេញបំណង Fan ហើយ ដូច្នេះចាំមើលមានអ្នកទៅទស្សនា ឬគាំទ្រតាមការ Live ទេ។ កុំនិយាយបានតែមាត់ សំណូមពរឲ្យមានហើយ ប៉ុន្តែខ្លះមិនគាំទ្រ និងជួយលើកស្ទួយឲ្យសោះ។ នាយកគ្រប់គ្រងការផ្សាយបន្ថែមទៀតថា ដើម្បីឲ្យកីឡាករ កីឡាការិនី គុនខ្មែរមានចំនួនកាត់តែច្រើន និងសំបូរកម្មវិធីថ្នាល លុះត្រាតែអ្នកគាំទ្រងាកមកជួយគាំទ្រ ជួយលើកស្ទួយទាំងអស់គ្នា ដូចការប្រកួតឈុតធំដែរទើបកម្មវិធីសម្រាប់ថ្នាលទាំងនោះអាចបន្តដំណើរទៅមុខបានទៀត។ ឯកឧត្ដមសូមថ្លែងអំណរគុណដល់ DRAGON Beer ដែលបានឧបត្ថម្ភគាំទ្រឲ្យបង្កើតកម្មវិធីប្រដាល់ថ្នាល Dragon Kunkhmer ចាប់ពីថ្ងៃទី១ ខែមីនា ឆ្នាំ២០២៥ នេះតទៅ ដែលនេះជាការផ្ដល់ឱកាសដល់យុវជនក្មេងៗបានបញ្ចេញសមត្ថភាព សន្សំបទពិសោធ ឆ្ពោះទៅបន្តវេនរៀមច្បងនៅថ្ងៃខាងមុខ។ បញ្ជាក់ដែរថា ស្ថានីយទូរទស្សន៍ថោន (TOWN) រួមជាមួយសហព័ន្ធប្រដាល់គុនខ្មែរ និងម្ចាស់ឧបត្ថម្ភ Dragon […]
Read More
ការប្រកួតបាល់ទាត់ «ពានរង្វាន់សតវត្សរ៍ នៃព្រះធម៍» ប្រជុំដោយតារាកម្ពុជា អ្នកលេងគុនខ្មែរ ប៉ះ តារាថៃ និងក្រុមគុនថៃ
ព្រឹត្តិការណ៍បាល់ទាត់ដែលមិនធ្លាប់មាននៅកម្ពុជា «ពានរង្វាន់សតវត្សរ៍ នៃព្រះធម៍» ដែលផ្ដួចផ្ដើមឡើងដោយលោក ស៊ុផាឆៃ វីរៈភូជុង អគ្គនាយកទូរទស្សន៍ប៉ុស្តិ៍លេខ៥ សហព័ន្ធប្រដាល់គុនខ្មែរ និងក្រុមតារាកម្ពុជា រួមទាំងភាគីខាងថៃ នឹងប្រជុំដោយតារាៗសិល្បៈកម្ពុជា-ថៃ អ្នកលេងគុនខ្មែរជួរមុខ ប៉ះ ជាមួយខាងគុនថៃ ផងដែរនៅថ្ងៃទី៨ ខែមីនា ឆ្នាំ២០២៥ នៅពហុកីឡដ្ឋានជាតិ។ លោក ស៊ុផាឆៃ វីរៈភូជុង អគ្គនាយកទូរទស្សន៍ប៉ុស្តិ៍លេខ៥ បានឲ្យដឹងក្នុងសន្និសីទសារព័ត៌មានថា នេះជាការប្រកួតមួយដែលបង្ហាញអំពីគោលបំណងផ្សារភ្ជាប់នូវវប្បធម៌សន្តិភាព ដែលជាការបន្ថែមចំពោះការរឹតចំណងសាមគ្គីភាព និងមិត្តភាព រវាងប្រទេសកម្ពុជា និងថៃ។ បន្ថែមពីនេះជាការអបអរសាទរខួបអនុស្សាវរីយ៍ លើកទី ៧៥ នៃការបង្កើតទំនាក់ទំនងការទូតរវាងកម្ពុជា និង ថៃ ផងដែរ។ ឯកឧត្ដម ខូវ ឆាយ ប្រធានសហព័ន្ធប្រដាល់គុនខ្មែរ អំពាវនាវដល់មហាជនកុំភ្លេចមកជួយគាំទ្រព្រឹត្តិការណ៍បាល់ទាត់ «ពានរង្វាន់សតវត្សរ៍ នៃព្រះធម៍» ទាំងអស់គ្នាដើម្បីធ្វើឲ្យកម្មវិធីនេះមានភាពអធិកអធម និងបង្កើនចំណងមិត្តភាព សាមគ្គីភាព រវាងប្រជាជនកម្ពុជា និងថៃបន្ថែមទៀត។ បញ្ជាក់ដែរថា សហព័ន្ធប្រដាល់គុនខ្មែរ ក្រុមបាល់ទាត់តារាកម្ពុជា អគ្គនាយកទូរទស្សន៍ប៉ុស្តិ៍លេខ៥ រួមទាំងភាគីខាងប្រទេសថៃ បានធ្វើសន្និសីទសារព័ត៌មានប្រកាសពីការប្រកួតបាល់ទាត់ «ពានរង្វាន់សតវត្សរ៍ នៃព្រះធម៍» នេះកាលពីថ្ងៃទី២៤ ខែកុម្ភៈ […]
Read More
ពានរង្វាន់បាល់ទាត់ «មិត្តភាពយុវជនអន្ដរក្រសួង-ស្ថាប័ន» លើកទី១០ឆ្នាំ២០២៥ ផ្តើមនាដើមខែមិនា
ការប្រកួតបាល់ទាត់ពានរង្វាន់ «មិត្តភាពយុវជនអន្ដរក្រសួង-ស្ថាប័ន» លើកទី១០ ឆ្នាំ២០២៥ ត្រៀមដំណើរការសកម្មភាពប្រកួតជាផ្លូវការនាថ្ងៃទី១ខែមិនា ដើមខែក្រោយនេះហើយដោយមានក្រុមតំណាងក្រសួង-ស្ថាប័នចូលរួមចំនួន ៣៥ក្រុម។ ថ្លៃងក្នុងសន្និសិតសារព័ត៌មាននិងចាប់ពូល ការប្រកួតបាល់ទាត់ពានរង្វាន់ «មិត្តភាពយុវជនអន្ដរក្រសួង-ស្ថាប័ន» កាលពីថ្ងៃចុងសប្តាហ៍ ឯកឧត្តម សុខ សប្បាយណា ប្រធានគណៈកម្មាធិការកីឡាបាល់ទាត់មិត្តភាពយុវជនអន្ដរក្រសួង-ស្ថាប័ន បានមានប្រសាសន៍ថា ឆ្នាំនេះគឺជាគម្រប់ខួបលើកទី១០ នៃការប្រកួតបាល់ទាត់ពានរង្វាន់ «មិត្តភាពយុវជនអន្ដរក្រសួង-ស្ថាប័ន» តាមរយ:ចំនួនក្រុមនៃការចូលរួមប្រកួតប្រជែងសម្រាប់ឆ្នាំនេះ គឺជាការបំបែកកំណត់ត្រាថ្មីមួយទៀតបើធៀបទៅហ្នឹងឆ្នាំកន្លងទៅ។ ឯកឧត្តម បានបញ្ជាក់ថា ការចូលរួមមានការកើនឡើងនេះដោយសារមានការចូលរួមពីសំណាក់ស្ថាប័នថ្មីៗ ក៏ដូចជាការវិលត្រឡប់ជាថ្មីពីសំណាក់ក្រសួង-ស្ថាប័ន ចំនួន៣ ក្នុងនោះរួមមាន ក្រសួងអធិការកិច្ច អគ្គលេខាធិការដ្ឋានរដ្ឋសភា និងក្រសួងកិច្ចការនារី។ ក្នុងនាមតំណាងឯកឧត្តម ហ៊ុន ម៉ានី ប្រធាន ស.ស.យ.ក លោកជំទាវ ដាំ ដារីនី អនុប្រធាន ស.ស.យ.ក បានបង្ហាញការសាទរដល់គណៈកម្មាធិការកីឡាបាល់ទាត់មិត្តភាពយុវជនអន្ដរក្រសួង-ស្ថាប័ន ដែលបានបង្កើអោយមានការប្រកួតបាល់ទាត់ រវាងក្រុមការងារក្រសួង និងស្ថាប័ននេះឡើង។ លោកជំទាវ បានបង្ហាញការគាំទ្រ និងបន្តលើកទឹកចិត្តអោយមានការរៀបចំព្រឹត្តិការនេះជារៀងរាល់ឆ្នាំបន្តទៀត។ព្រឹត្តិការណ៍ប្រកួតបាល់ទាត់ពានរង្វាន់ «មិត្តភាពយុវជនអន្ដរក្រសួង-ស្ថាប័ន» រៀបចំឡើងដំបូង កាលពីឆ្នាំ២០១៣ ក្រោមអធិបតីភាពឯកឧត្តម ហ៊ុន ម៉ានី ប្រធាន ស.ស.យ.ក ក្នុងគោលបំណងលើកកម្ពស់ស្មារតីសាមគ្គីភាព មិត្តភាព ពង្រឹង និងពង្រីកកិច្ចសហប្រតិបត្តិការរវាងយុវជនតាមក្រសួង-ស្ថាប័នរដ្ឋ ក៏ដូចជាការលើកកម្ពស់សុខុមាលភាពរបស់មន្ដ្រីរាជការផងដែរ។ សូមជម្រាបថា ការប្រកួតបាល់ទាត់ពានរង្វាន់ មិត្តភាពយុវជន អន្តរក្រសួង-ស្ថាប័ន ឆ្នាំ ២០២៥ មាន៣៥ក្រុមចូលរួមការប្រកួតនឹងចាប់ផ្តើម ពីថ្ងៃទី១ ខែមីនា ដល់ថ្ងៃទី២៥ ខែឧសភា ឆ្នាំ២០២៥ នៅកីឡដ្ឋានស្តាតចាស់។ឆ្នាំនេះ ក្រុមក្រសួងកិច្ចការនារី ក្រសួងអធិការកិច្ច និងអគ្គលេខាធិការដ្ឋានរដ្ឋសភា បានវិលត្រឡប់មកវិញផងដែរ។ សម្រាប់ក្រុមទាំង ៣៥ ត្រូវបានចាប់បែងចែកចេញជា ៨ […]
Read More
អនុប្រធានសហព័ន្ធកីឡាជឺជីតស៊ូ៖ រីករាយជាខ្លាំងពេលឃើញកីឡាករ កីឡាការិនីរីកចម្រើនសមត្ថភាពក្នុងការប្រកួតជើងឯកថ្នាក់ជាតិឆ្នាំនេះ
សហព័ន្ធកីឡាជឺជីតស៊ូកម្ពុជា បានបញ្ចប់ការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ របស់ខ្លួនដោយជោគជ័យនៅសាលនៃសកលវិទ្យាល័យភូមិន្ទភ្នំពេញ ខណៈថ្នាក់ដឹកនាំសហព័ន្ធបង្ហាញអារម្មណ៍រីករាយជាខ្លាំងពេលឃើញកីឡាករមានភាពរីកចម្រើន។ លោក Jasper Paas អនុប្រធានសហព័ន្ធកីឡាជឺជីតស៊ូកម្ពុជា បានឲ្យដឹងថា ចំពោះរូបលោកផ្ទាល់គឺមានភាពសប្បាយរីករាយ និងរំភើបជាខ្លាំងដែលបានឃើញកីឡាករ កីឡាការិនី បង្ហាញពីភាពរីកចម្រើនលើបច្ចេកទេស ស្មារតី ក្នុងការប្រកួតរយៈពេលប៉ុន្មានថ្ងៃកន្លងទៅនេះ។ ការប្រកួតនេះគឺមានសារសំខាន់ និងជាការតៀមខ្លួនបណ្ដើរៗសម្រាប់ឆ្ពោះទៅកាន់ព្រឹត្តិការណ៍ស៊ីហ្គេម អំឡុងខែធ្នូ ឆ្នាំ២០២៥ នៅឯប្រទេសថៃ។ នៅឆ្នាំនេះផងដែរអាចថាជាឆ្នាំដែលនឹងរវល់ច្រើនចំពោះក្រុមជម្រើសជាតិជឺជីតស៊ូកម្ពុជា ព្រោះតែមានការប្រកួតកម្រិតអន្តរជាតិដែលនឹងត្រូវទៅចូលរួម។ លោកពិតជាមានមោទកភាពជាខ្លាំងចំពោះភាពរីកចម្រើនដែលសហព័ន្ធ កីឡាករ កីឡាការិនី បានទទួលជោគជ័យនាពេលកន្លងមកនេះ។ ម្នាក់ៗពោរពេញដោយទឹកចិត្ត ឆន្ទៈខ្ពស់លើការហ្វឹកហាត់ និងប្រកួត ដូច្នេះហើយនេះជាការធ្វើដំណើរដ៏ត្រឹមត្រូវមួយទៅរកភាពជោគជ័យ រីកចម្រើនបន្ថែមទៀត។ បញ្ជាក់ដែរថា សហព័ន្ធកីឡាជឺជីតស៊ូកម្ពុជា បានរៀបចំការប្រកួតជ្រើសរើសជើងឯកថ្នាក់ជាតិ ឆ្នាំ២០២៥ របស់ខ្លួនកាលពីថ្ងៃទី២២ ដល់ ២៣ ខែកុម្ភៈ ឆ្នាំ២០២៥ នៅសាលការ៉ាតេ នៃសកលវិទ្យាល័យភូមិន្ទភ្នំពេញ។ ការប្រកួតនៅឆ្នាំនេះមានកីឡាករ កីឡាការិនី ចុះឈ្មោះចូលរួមជាង ១៦០នាក់ឯណោះមកពីបណ្ដាក្លឹបផ្សេងៗ៕
Read More
ប្រធានសហព័ន្ធកីឡារាំកម្ពុជា៖ យើងតស៊ូជម្នះការលំបាកបន្តការជំរុញអភិវឌ្ឍន៍កីឡាមួយនេះឲ្យកាន់តែប្រសើរ
ប្រធានសហព័ន្ធកីឡារាំកម្ពុជា ថាភាពលំបាកលើការជំរុញអភិវឌ្ឍន៍ដូចជា ខ្វះខាតថវិកា ទីកន្លែងហ្វឹកហាត់ និងការមិនសូវឲ្យតម្លៃ មានការប៉ះពាល់ជាខ្លាំង ប៉ុន្តែលោកជំទាវ និងសមាជិក ត្រូវតែបន្តខំប្រឹងប្រែងជម្នះឧបសគ្គទាំងនេះបន្តទៀត។ លោកជំទាវ ញ៉ែម មរកត រដ្ឋលេខាធិការក្រសួងកិច្ចការនារី និងជាប្រធានសហព័ន្ធកីឡារាំកម្ពុជា លើកឡើងក្នុងពិធីបិទការប្រកួតកីឡារាំ ជើងឯកថ្នាក់ជាតិ ឆ្នាំ២០២៤ ថាឧបសគ្គគឺមានច្រើនលើការជំរុញអភិវឌ្ឍន៍ និងដំណើរការរបស់សហព័ន្ធទម្រាំបណ្ដុះបានធនធាន និងមានការផ្សព្វផ្សាយដល់មហាជនដូចសព្វថ្ងៃនេះ។ ឧបសគ្គទីកន្លែងហ្វឹកហាត់តូចចង្អៀត បញ្ហាថវិកាលើការចំណាយចេញទៅហ្វឹកហាត់ ឬប្រកួត ការមិនសូវយកចិត្តទុកដាក់ក៏ដូចជាឲ្យតម្លៃពីសំណាក់ភាគីពាក់ព័ន្ធផ្នែកកីឡាផងនោះ ប៉ុន្តែចំពោះលោកជំទាវ រួមទាំងសមាជិកសហព័ន្ធ លោកគ្រូ អ្នកគ្រូ ទាំងអស់នៅតែបន្តខំប្រឹងជម្នះរុញច្រានដើម្បីឲ្យមានការអភិវឌ្ឍន៍ជាធម្មតា។ សហព័ន្ធកំពុងស្វះស្វែងរកដៃគូឧបត្ថម្ភនានាធ្វើយ៉ាងណាអាចជួយសម្រួលដល់ការហ្វឹកហាត់ពិសេសនៅឯក្រៅស្រុក ឬការប្រកួតផ្សេងៗដើម្បីទទួលបានបទពិសោធ ចំណេះដឹង បច្ចេកទេស ឲ្យមានកាន់តែខ្ពស់ល្អប្រសើរដូចបណ្ដាប្រទេសលើឆាកអន្តរជាតិផងដែរ។ ងាកមកការប្រកួតជើងឯកថ្នាក់ជាតិ ឆ្នាំ២០២៤ ដែលទើបបញ្ចប់ទៅនេះលោកជំទាវមើលឃើញថាយុវជនថ្នាលដែលហ្វឹកហាត់ជាច្រើនខែឆ្នាំកន្លងទៅនេះមានភាពរីកចម្រើនជាខ្លាំង ស្របពេលបច្ចុប្បន្ននេះមហាជនក៏ដូចជាអាណាព្យាបាលបានយល់ដឹង និងស្គាល់កីឡារាំនេះកាន់តែច្រើន និងបានបញ្ជូនបុត្រធីតាមកហ្វឹកហាត់ក៏កាន់តែច្រើនជាបន្តបន្ទាប់។ បញ្ជាក់ដែរថា កាលពីថ្ងៃទី២១ ខែកុម្ភៈ ឆ្នាំ២០២៥ ថ្មីៗនេះសហព័ន្ធកីឡារាំកម្ពុជា បានបិទបញ្ចប់ការប្រកួតជើងឯកថ្នាក់ជាតិរបស់ខ្លួនប្រចាំឆ្នាំ២០២៤ នៅសាលមជ្ឈមណ្ឌលសហប្រតិបត្តិការកម្ពុជា ជប៉ុន (CJCC)។ ចំពោះការប្រកួតនេះផងដែរចំណាត់ថ្នាក់លេខ១ បានលើសមាគមក្លឹបកីឡារាំក្រសួងមហាផ្ទៃ ឈ្នះមេដាយ មាស៧ ប្រាក់៨ សំរឹទ្ធ៣។ […]
Read More
សហព័ន្ធកីឡារាំកម្ពុជា៖ បើកការប្រកួតកជើងឯកថ្នាក់ជាតិឆ្នាំ២០២៤ ក្រោមការចូលរួមពីកីឡាករ កីឡាការិនីថ្នាលជាច្រើនឆ្នាំនេះ
សហព័ន្ធកីឡារាំកម្ពុជា នៅព្រឹកថ្ងៃទី២១ ខែកុម្ភៈ ឆ្នាំ២០២៥ នេះបានធ្វើពិធីបើកការប្រកួតជ្រើសរើសជើងឯកថ្នាក់ជាតិឆ្នាំ២០២៤ របស់ខ្លួនហើយនៅអគារមជ្ឈមណ្ឌលសហប្រតិបត្តិការកម្ពុជា ជប៉ុន (CJCC) ដោយមានការអញ្ជើញចូលរួមគណៈអធិបតី និងកីឡាករ កីឡាការិនីជាច្រើន។ ថ្លែងក្នុងពិធីបើកការប្រកួតនៅព្រឹកមិញនេះលោកជំទាវ កុយ ពិសី ប្រធានគណៈកម្មការស្ត្រី និងកីឡា កោតសរសើរជាខ្លាំងចំពោះការខំប្រឹងប្រែងរបស់ថ្នាក់ដឹកនាំសហព័ន្ធគ្រប់ជាន់ថ្នាក់ដែលបានអភិវឌ្ឍន៍ឲ្យមានភាពរីកចម្រើនពីមួយថ្ងៃទៅមួយថ្ងៃទាំងបរិមាណ និងគុណភាពកីឡាករ កីឡាការិនី។ តាមរយៈការប្រកួតជើងឯកថ្នាក់ជាតិនេះជាឱកាសមួយសម្រាប់កីឡាករ កីឡាការិនីទាំងអស់បានបញ្ចេញសមត្ថភាព បទពិសោធ បច្ចេកទេស ដែលខ្លួនបានហ្វឹកហាត់ជាយូរមកហើយដល់សហព័ន្ធ រួមទាំងគណៈអធិបតី មហាជនដែលមកទស្សនាផងដែរ។ លោកជំទាវបានថ្លែងអំណរគុណដល់ក្រសួងអប់រំ យុវជន និងកីឡា គណៈកម្មាធិការជាតិអូឡាំពិកកម្ពុជា បណ្ដាសប្បុរសជន ក្រុមហ៊ុនឯកជនទាំងអស់ដែលបានសហការឧបត្ថម្ភគាំទ្រដល់សហព័ន្ធដើម្បីសម្រួលដល់ការរៀបចំជាការប្រកួតនេះឡើងក្នុងគោលបំណងពង្រីកផ្សព្វផ្សាយ និងបង្កើនធនធានកីឡារាំឲ្យបន្តរីកចម្រើនបន្ថែមទៀត។ បញ្ជាក់ដែរថា ការប្រកួតជើងឯកថ្នាក់ជាតិ ឆ្នាំ២០២៤ របស់សហព័ន្ធកីឡារាំកម្ពុជានេះគឺធ្វើឡើងរយៈពេលពេញមួយមួយថ្ងៃតែម្ដងនៅថ្ងៃទី២១ ខែកុម្ភៈ ឆ្នាំ២០២៥ នេះនៅ CJCC។ សម្រាប់ការចូលរួមប្រកួតប្រជែងនេះមាន ៥ សមាគម ក្លឹប ដែលសរុបទាំងប្រតិភូ គ្រូបង្វឹក កីឡាករ កីឡាការិនីចំនួន ៧១នាក់។ ការប្រកួតនេះនឹងបិទបញ្ចប់នៅល្ងាចនេះតែម្ដង៕
Read More
ក្រុមពិធីករ និងក្រុមគុនខ្មែរ រៀបចំការប្រកួតបាល់ទាត់ ថ្ងៃទី១៨ កុម្ភៈ បំផុសការបរិច្ចាគឈាមនៅកម្ពុជា
ក្រុមពិធីករផ្នែកកីឡានៅកម្ពុជា និងក្រុមគុនខ្មែរ បានផ្ដួចផ្ដើមបង្កើតការប្រកួតបាល់ទាត់មនុស្សធម៌ នៅថ្ងៃទី១៨ ខែកុម្ភៈ ឆ្នាំ២០២៥ នៅស្តាតចាស់ ដើម្បីបំផុសស្មារតីដល់មហាជនចូលរួមបរិច្ចាគឈាមឲ្យមានកាន់តែច្រើនបម្រើដល់ការសង្គ្រោះជីវិត។ ប្រធានចាត់ការទូទៅនៃក្រុមបាល់ទាត់ពិធីករកីឡានៅកម្ពុជា លោក គុជ ឆៃយ៉ា បានឲ្យដឹងក្នុងសន្និសីទសារព័ត៌មានម្សិលមិញនេះថា ការប្រកួតមិត្តភាពរវាងក្រុមលោកជាមួយខាងគុនខ្មែរនេះគឺបង្កើតឡើងក្នុងគោលបំណងបំផុសស្មារតីមហាជន និងរួមគ្នាបរិច្ចាគឈាមឲ្យបាន ១០០០សាក់ នៅថ្ងៃទី១៨ ខែកុម្ភៈ ឆ្នាំ២០២៥ ខាងមុខនេះ។ ដោយមើលឃើញពីផលលំបាក និងតម្រូវការឈាមជាច្រើនក្នុងមួយថ្ងៃៗដើម្បីដើម្បីជួយសង្រ្គោះជីវិតដល់អ្នកជំងឺ និងអ្នកត្រូវការឈាមពីមជ្ឈមណ្ឌលជាតិផ្តល់ឈាមទើបធ្វើឲ្យក្រុមពិធីករកីឡាទាំងអស់រួមគ្នាបង្កើតជាកម្មវិធីមនុស្សធម៌នេះឡើង។ ប្រធានចាត់ការទូទៅខាងលើនេះបន្ថែមទៀតថា ក្រុមរបស់លោកនឹងបន្តជួយផ្សព្វផ្សាយអំពីសារប្រយោជន៍ នៃការបរិច្ចាគឈាមឲ្យកាន់តែទូលំទូលាយថែមទៀតដល់មហាជនទូទៅដើម្បីជ្រាប និងទទួលបានការចូលរួមកាន់តែច្រើនលើកិច្ចការមនុស្សធម៌នេះ។ បញ្ជាក់ដែរថា នៅថ្ងៃទី១៨ ខែកុម្ភៈ ឆ្នាំ២០២៥ ដែលជាថ្ងៃប្រកួតនេះនឹងមានទទួលមហាជនដែលចង់ចូលរួមបរិច្ចាគឈាមផងដែរចាប់ពីម៉ោង ៧ កន្លះព្រឹករហូតដល់ម៉ោង ៦ល្ងាចដែលជាពេលប្រកួតតែម្ដង។ មហាជនអាចចូលរួមទស្សនា និងលើកទឹកចិត្តដល់ក្រុមទាំងពីរដោយសេរីនៅស្តាតចាស់។ ចូលរួមទាំងអស់គ្នាក្នុងចលនាមនុស្សធម៌តាមរយៈការបរិច្ចាគឈាមឲ្យបាន ១០០០សាក់នៅថ្ងៃទី១៨ កុម្ភៈ ខាងមុខនេះ៕
Read More
សង្វៀនបាយ័ន៖ ខ្សែក្រវាត់ខារ៉ាបាវរដូវកាលទី១៣ ផ្តល់ឱកាសកីឡាករទម្ងន់ស្រាល ៥៧គីឡូក្រាម
ស្ថានីយទូរទស្សន៍បាយ័ន បានចាប់ផ្ដើមយុទ្ធនាការប្រកួតដណ្ដើមខ្សែក្រវាត់ខារ៉ាបាវ រដូវកាលទី១៣ បន្តទៀតហើយ ដោយលើកនេះផ្ដល់ឱកាសកីឡាករឆ្នើមកម្ពុជាទម្ងន់ស្រាលប្រភេទ ៥៧ គីឡូក្រាមប្រជែងជាមួយបរទេស។ លោក នាង ស៊ីវុត្ថា តំណាងទូរទស្សន៍បាយ័ន បានឲ្យដឹងថា ការប្រកួតរដូវកាលទី១៣ នេះគឺផ្ដល់ឱកាសដល់កីឡាករជំនាន់ក្រោយពិសេសទម្ងន់ ៥៧ គីឡូក្រាមនេះបានបង្ហាញសមត្ថភាព សាងកេរ្តិ៍ឈ្មោះដើម្បីឈានទៅរកភាពល្បីល្បាញលើវិស័យប្រដាល់គុនខ្មែរនៅថ្ងៃខាងមុខ។ ដូច្នេះសង្វៀនបាយ័ន រួមទាំងម្ចាស់ឧបត្ថម្ភផ្ដាច់មុខគឺភេសជ្ជៈខារ៉ាបាវ ជាថ្នាលដ៏ល្អមួយសម្រាប់កីឡាករក្មេងៗជំនាន់ក្រោយស្វែងរកបទពិសោធ និងជាការរួមចំណែកលើកស្ទួយគុនខ្មែរ បង្កើនធនធានផងដែរ។ យ៉ាងណាលោក នាង ស៊ីវុត្ថា មិនភ្លេចថ្លែងអំណរគុណដល់អ្នកគាំទ្រចម្រុះជាតិសាសន៍ដែលតែងតែមកទស្សនា និងដឹកនាំផ្សព្វផ្សាយដល់បរទេសឲ្យមកដល់សង្វៀនបាយ័នផ្ទាល់ដូចបានឃើញស្រាប់។ ជម្រាបផងដែរថា ការប្រកួតដណ្ដើមខ្សែក្រវាត់ខារ៉ាបាវ ទម្ងន់ ៥៧គីឡូក្រាមរបស់សង្វៀនបាយ័ន នេះគឺបានប្រកួតសប្ដាហ៍ទី១ របស់ខ្លួនហើយកាលពីថ្ងៃអាទិត្យ ទី២ ខែកុម្ភៈ ឆ្នាំ២០២៥ ស្ទឹងមានជ័យ។ កីឡាករ ៤ រូប រួមមាន យ៉ន ពិសី ធន់ ស៊ីម៉ូវ នូវ សុខទី លី សុខា។ ពួកគេនឹងត្រូវប្រកួតវិលជុំសន្សំពិន្ទុចំនួន ៤ប្រកួតជាមួយអ្នកលេងគុនថៃ ៤រូបដូចគ្នា បន្ទាប់មកកីឡាករខ្មែរ ២រូប ថៃ […]
Read More